ԱՄՆ Ջորջիա նահանգի Ատլանտա քաղաքի գիշերային ակումբներից մեկում անհայտ անձը հրաձգություն է իրականացրել, ինչի հետևանքով զոհվել է 2 և վիրավերվել ևս 2 մարդ: Այս մասին հայտնում է 11Alive հեռուստաալիքը:
Նշվում է, որ Underground Atlanta գիշերային ակումբում կիրակի, լույս երկուշաբթիի գիշերը վեճ է ծագել, և վիճողներից մեկը կրակ է բացել իր հակառակորդների ուղղությամբ: Նրանցից մեկը մահացել է տեղում, մյուսը՝ հիվանդանոցում: Վիրավորները մոտակայքում հայտնված պատահական մարդիկ են:
Հանցագործը փախուստի է դիմել: Իրավապահները փնտրում են նրան: