Երեկ Իրանի և Իրաքի սահմանին տեղի ունեցած
երկրաշարժն ամենահզորն է դարձել տարածաշրջանում երկար ժամանակվա ընթացքում: Այս մասին հայտարարել է Սաութհեմփթոնի համալսարանի սեյսմոլոգ Սթիվեն Հիքսը:
ԱՄՆ-ի երկրաբանական ծառայությունը հայտնել է, որ ցնցումների մագնիտուդը կազմել է 7,3: Հիպոկենտրոնը գտնվել է Իրաքի Հալաբջա քաղաքից 30 կմ դեպի հարավ-արևմուտք:
Հաստատվել է, որ երկրակեղևի ճեղքումը տեղի է ունեցել Արաբական և Եվրասիական պլատֆորմների միջև:
«Երկրաշարժի շրջանում Արաբական պլատֆորմը շարժվում է դեպի հյուսիս՝ Եվրասիականի նկատմամբ տարեկան 26 կմ արագությամբ: Երկու սալիկները փակվում են դեպի հյուսիս-արևմուտք ուղղությամբ՝ այդ երկրաշարժի անմիջական հարևանությամբ, ինչի հետևանքով Իրանի Զագրոսի լեռներն աճում են»,- ասվում է ԱՄՆ-ի երկրաբանական ծառայության հաղորդագրության մեջ:
Նշենք, որ երկու կողմերից զոհերի թիվն ըստ վերջին տվյալների, գերազանցում է 200-ը: