Վրաստանի նախկին նախագահ Միխայիլ Սաակաշվիլիի 11-ամյա որդին՝ Նիկոլոզը, Վրաստանի պետական պահպանության ծառայության աշխատակիցների հետ միասին ձերբակալվել է Կիևի «Բորիսպոլ» օդանավակայանում, հաղորդում է «Интерфакс»-ը:
Սաակաշվիլին հայտարարել է, որ նրանք ունեն սահմանը հատելու համար անհրաժեշտ փաստաթղթերը: «2 ժամ է՝ նրանց պահում են առանձին սենյակում առանց բացատրության»,- ասել է նա:
Ավելի ուշ Սաակաշվիլին հայտարարել է, որ որդուն վերադարձրել են: «Վերջապես վերադարձրեցին ավիաընկերության ներկայացուցչի միջոցով: Կարծես նա ոչ թե դեռահաս էր, այլ ինչ-որ ծանրոց: Իսկ մինչ այդ ես կանգնած էի և մյուս ուղևորներից բազմաթիվ այլ պատմություններ էի լսում անօրինության և օրենքի խախտումների մասին»,- ասել է Սաակաշվիլին: