Tesla-ի և SpaceX-ի հիմնադիր Իլոն Մասքը հանդիպում է ունեցել Թուրքիայի նախագահ Էրդողանի հետ: Զրույցի թեման դարձել է համագործակցությունը Tesla-ի և SpaceX-ի ու թուրքական ընկերությունների միջև: Հանդիպումը տեղի է ունեցել Ստամբուլում՝ Glibal SatShow ցուցադրության շրջանակներում, հայտնում է Albawaba-ն:
Մասքն իր աջակցությունն է առաջարկել Թուրքիային՝ Turksat 5A և Turksat5B արբանյակների թողարկման հարցում, որոնք նախատեսվում է ստեղծել 2020 և 2021 թթ.: Այս տարվա սեպտեմբերին դրանց արտադրության պայմանագիրը շահել է Airbus-ը:
Բացի այդ, հանդիպման ժամանակ բարձրացվել է Թուրքիայի ավտոտրանսպորտի էլեկտրաֆիկացման հարցը, և, հնարավոր է՝ Թուրքիայի համար հատուկ պատվերով էլեկտրամեքենաների ստեղծումը: Նշենք, որ մի քանի օր առաջ Թուրքիան հայտարարել էր, թե 2021-ին կսկսի հայրենական էլեկտրամոբիլների արտադրությունը: