Մոսկվայի Կունցևսկի շրջանի դատարանում կայացել է ԽՍՀՄ ժողովրդական արտիստ Արմեն Ջիգարխանյանի և նրա կնոջ՝ Վիտալինա Ցիմբալյուկ Ռոմանովսկայայի ամուսնալուծության գործով նախնական դատական նիստը, հաղորդում է «Московский комсомолец»-ը:
Ջիգարխանյանի ներկայացուցիչները պնդել են, որ նիստը փակ ռեժիմով անցնի: Արտիստի փաստաբան Եվգենի Պարֆյոնովի խոսքով՝ դատարանն այդ հարցը կլուծի մինչև նոյեմբերի վերջ:
Պարֆյոնովը նաև հայտնել է, որ դատարանը կողմերին հաշտեցման գործընթաց է առաջարկել, սակայն հրաժարվել են: Ըստ փաստաբանի՝ զույգի բաժանության պատճառն անձնական խնդիրներն են, որոնց մասին արտիստը հանրության հետ չի ցանկանում խոսել:
Ինչպես նաև հաղորդվում է, որ զույգը ներկա չի գտնվել դատական գործընթացին: Վիտալինայի ներկայացուցիչը հայտնել է, որ Վիտալինային Ուկրաինայում հիվանդանոց են տեղափոխել: