Հնդկաստանի Մադուրայ քաղաք ժամանած Air India ավիաընկերությանը պատկանող ինքնաթիռի մեջ 2 կգ ոսկի է հայտնաբերվել, հաղորդում է Times of India-ն:
Պարբերականի տեղեկություններով՝ ոսկին հայտնաբերել են սանիտարական վերահսկողության աշխատակիցները: Այն թաքցված է եղել փրկարարական բաճկոնի մեջ, որը գտնվել է նստարաններից մեկի տակ:
Տեղի իշխանությունների գնահատականով՝ ոսկու արժեքը կարող է գերազանցել 5 միլիոն ռուփին (77 հազար դոլար):
Ներկա պահին իրավապահները հաստատում են մաքսանենգի ինքնությունը: