Կատալոնիայում համընդհանուր գործադուլ է անցկացվում՝ ի նշան Կատալոնիայի նախկին ղեկավարության անդամների ձերբակալության մասին հրամանի դեմ բողոքի, հաղորդում է Svobod.org-ը:
Ժիրոնում ցուցարարները դադարեցրել են արագընթաց գնացքների երթևեկությունը: Բարսելոնում տասնյակ ճանապարհներ փակ են: Ինչպես նաև դադարեցվել է Ֆրանսիայի հետ սահմանին գլխավոր մայրուղում երթևեկությունը:
Հիշեցնենք, որ Կատալոնիայում անցկացված անկախության հանրաքվեից հետո Իսպանիայի իշխանություններն ուղիղ կառավարում սահմանեցին՝ ցրելով կառավարությունն ու խորհրդարանը և արտահերթ ընտրություններ նշանակելով: Ինչպես նաև Իսպանիայի Բարձրագույն դատարանը Կատալոնիայի նախկին ղեկավար Կառլես Պուչդեմոնին և նրա 4 դաշնակիցներին ձերբակալելու մասին միջազգային հրաման արձակեց: