Սաուդյան Արաբիայում ոստիկանները կրակել են արքայազն Աբդուլ Ազիզ իբն Ֆահդին, ով դիմադրություն է ցույց տվել ձերբակալության ժամանակ:
Daily Mail-ի հաղորդմամբ՝ արքայազնին մեղադրում են կաշառակերության համար:
Դեպքը տեղի է ունեցել նոյեմբերի 5-ին: 44-ամյա արքայազնի ձերբակալությունը Սաուդյան Արաբիայում հակակոռուպցիոն քարոզարշավի մի մասն է եղել:
Պարբերականը նշում է, որ դեռևս չի հաստատվել Աբդուլ Ազիզ իբն Ֆահդի մահվան լուրը:
Հիշեցնենք, որ ավելի վաղ ուղղաթիռի վթարի հետևանքով
զոհվել էր Սաուդյան Արաբիայի մեկ այլ արքայազն Մանսուր բին Մուքրինը: Դրանից առաջ հաղորդվել էր, որ կաշառակերության մեղադրանքով թագավորական ընտանիքի 11 ներկայացուցիչ է
ձերբակալվել: