ԱՄՆ նախագահ Դոնալդ Թրամփը մեկնել է Հարավային Կորեա Ասիա շրջագայության շրջանակներում, հաղորդում է Voice of America-ն:
«Մեր համագործակցությունը հիանալի է»,- ասել է Թրամփը ժամանելուն պես:
Նա ընդգծել է Հարավային Կորեայի ղեկավարության հետ կայանալիք բանակցությունների կարևորությունը երկկողմ առևտրի հարցում՝ նշելով, որ իր այցի հիմնական նպատակն աշխատատեղերի ստեղծումն է:
Ակնկալվում է, որ երկօրյա այցի ընթացքում Թրամփը կհաստատի իր դաշնակցին Փհենյանից պաշտպանելու հստակ մտադրությունը՝ Կորեական թերակղզում լարվածության ուժգնացման ֆոնին:
Նախօրեին Թրամփն ու Ճապոնիայի վարչապետ Սինձո Աբեն պայմանավորվել էին ճնշում գործադրել Հյուսիսային Կորեայի վրա: