ԱՄՆ-ում նոր փաստաթղթեր են գաղտնազերծվել՝ կապված Ջոն Քենեդու սպանության հետ: Խոսքը մոտ 700 փաստաթղթի մասին է:
Հրապարակված նյութերում ասվում է, որ ԱՄՆ-ի 35-րդ նախագահի մարդասպան Լի Հարվի Օսվալդը կապ չի ունեցել Կենտրոնական հետախուզական վարչության (ԿՀՎ) կամ ամերիկյան այլ հատուկ ծառայությունների հետ: Սա արդեն երրորդ հրապարակումն է:
Հուլիսին և հոկտեմբերին գաղտնազերծվել էր մոտ 6,5 հազար փաստաթուղթ: Հրապարակելու հրաման է արձակել ԱՄՆ նախագահ Դոնալդ Թրամփը:
Ավելի վաղ հրապարակված նյութերում ասվում է, որ Քենեդու սպանությունից 2 ամիս առաջ Օսվալդը շփում է ունեցել Մեխիկոյում սովետական դիվանագետների հետ: Ընդ որում, նյութերում մեջբերվում են հուսալի աղբյուրներ, որոնց համաձայն՝ ԽՍՀՄ-ին Քենեդու սպանությունը շոկի է ենթարկել, ԽՍՀՄ ղեկավարությունը, իբր, նրա սպանությունը ամերիկյան քաղաքական գործիչների ներքին դավադրություն է համարել:
Նոր գաղտազերծումների համաձայն՝ Օսվալդը կարող էր թաքնվել ԽՍՀՄ-ում:
Ջոն Քենեդին սպանվել է 1963թ. նոյեմբերի 22-ին: Օսվալդը մահացել է դրանից 2 օր անց մահափորձի հետևանքով: Քննությունը եկել է եզրակացության, որ հանցագործը միայնակ է գործել: