ՄԱԿ-ի մանկական հիմնադրամի (ՅՈՒՆԻՍԵՖ) տվյալների համաձայն՝ յուրաքանչյուր 7 րոպեում աշխարհում բռնի մահով մեկ երեխա է մահանում: Միայն 2015թ. բռնության հետևանքով 20 տարեկանից ցածր մոտ 119 հազար երեխա և անչափահաս է մահացել: Սպանված երեխաների մոտ կեսը Լատինական Ամերիկայից է: Մերձավոր Արևելքում հակամարտությունների գոտիներում 10-19 տարեկան երեխաների երկու երրորդը բռնության զոհ դառնալու ռիսկի տակ է գտնվում:
ՅՈՒՆԻՍԵՖ-ի տվյալների համաձայն՝ 2-4 տարեկան մոտ 300 միլիոն երեխա պարբերաբար ֆիզիկական և վերբալ բռնության է ենթարկվում ծնողների և նրանց փոխարինող մարդկանց կողմից, իսկ 15-19 տարեկան մոտ 15 միլիոն աղջիկ առնվազն մեկ անգամ սեռական բռնության է ենթարկվում:
Աշխարհում դպորցական տարիքի բոլոր երեխաների մոտ կեսը (732 միլիոն) ապրում է երկրներում, որտեղ արգելված չեն դպրոցներում ֆիզիկական պատիժները: Միայն 59 երկրում են գործում առանց բռնության կիրառման դաստիարակության օրենքները: