Մասնագետների հավաստմամբ՝ լեղապարկում և երիկամներում քարերի և ավազի գոյացումը օրգանիզմի կողմից ոչ օրգանական կալցիումը չյուրացնելու հետևանք է: Ոչ օրգանական կալցիումն առաջանում է կոնցենտրացված օսլայի և շաքարի կիրառումից: Հացի, ձավարեղենի և ալյուրով պատրաստված այլ սննդատեսակների մշտական կիրառումն ավելացնում է կալցիումի քանակությունն, ինչն էլ երիկամային քարի ու ավազի է վերածվում: Վիրահատական միջամտությամբ դրանց հեռացումը, բացի ծայրահեղ դեպքերից, ոչ միշտ է խորհուրդ տրվում: Երիկամները քարերից ու ավազից մաքրելու համար գոյություն ունեն նաև ավանդական և արդյունավետ միջոցներ:
Մասնագետները խորհուրդ են տալիս օրը մի քանի անգամ 1 կիտրոնի և կես բաժակ տաք ջրի խառնուրդ խմել: Արդյունավետ միջոց է նաև գազարի, բազուկի և վարունգի հյութերի խառնուրդը: Այն կես բաժակ չափաբաժիններով կարելի է խմել օրը 3-4 անգամ:
Իսկ երիկամներում քարերի և ավազի առաջացումը կանխելու համար անհրաժեշտ է սննդակարգում նվազեցնել աղի և կծու սնունդը, նաև՝ սպիտակուցի չափաբաժինը: Խորհուրդ է տրվում մեծ քանակությամբ հեղուկ օգտագործել: