Թուրքական դատարանն Amnesty International իրավապաշտպան կազմակերպության 8 անդամի ազատ արձակելու մասին որոշում է ընդունել, հաղորդում է Sabah պարբերականը:
Թուրքիայում նրանց կասկածում էին ՖԵՏՕ ահաբեկչական կազմակերպության հետ կապ ունենալու համար: Ազատ արձակվածների թվում է կազմակերպության տեղի ներկայացուցչությունը ղեկավարող Իդիլ Էսերը:
Հաղորդվում է, որ դատախազությունը պահանջել է նրանց կալանքի տակ պահել, սակայն դատարանը նրանց ազատ արձակելու որոշում է կայացրել:
Ավելի վաղ Գերմանիայի արտաքին գործերի նախարար Զիգմար Գաբրիելը հայտարարել էր, որ այդ հարցի պատճառով Բեռլինը կվերանայի Թուրքիայի նկատմամբ իր տնտեսական քաղաքականությունը: