Ավտովթարի հետևանքով մահացած դերասան Փոլ Ուոքերի 18-ամյա դուստրը շահել է Porsche ընկերության դեմ դատը՝ ապացուցելով, որ ընկերությունը մեղավոր է իր հոր մահվան համար: «Ֆորսաժ» սերիալի աստղը 2013թ. 41 տարեկանում մահացել է ավտովթարից, հիշեցնում է People ամսագիրը:
Միդոու Ուոքերը դատի էր տվել Porsche ընկերությանը 2015թ.: Աղջիկը պնդում էր, որ հոր մահվան պատճառ են հանդիսացել Porsche Carrera GT մեքենայի անսարք գոտիները: Ուոքերի հետ մեքենայում եղել է նաև նրա ընկերը, ով ևս մահացել է:
Միդոու Ուքերը հայտարարել էր նաև, որ ընկերության ներկայացուցիչները իմացել են, որ 2005թ. արտադրության մեքենան անսարք է եղել, սակայն ոչինչ չեն ձեռնարկել անսարքությունը վերացնելու համար:
Աղջկա փաստաբաններին հաջողվել է ապացուցել ընկերության մեղավորությունը:
Հատուցման չափը չի նշվում: Դատական հետաքննության արդյունքները, որոնք պետք է գաղտնի պահվեին, հայտնվել են ԶԼՄ-ներում արտահոսքի արդյունքում:
Այժմ Porsche-ի ներկայացուցիչներն ստիպված են պատասխանել իրենց մեքենաների անվտանգության հետ կապված բազմաթիվ հարցերի: