Ճապոնիայի վարչապետ Սինձո Աբեն խոստացել է կոշտ միջոցներ կիրառել Հյուսիսային Կորեայի նկատմամբ, հաղորդում է BBC-ն:
Աբեն արտահերթ ընտրությունները լայն մանդատ է անվանել՝ ճգնաժամները լուծելու համար, ներառյալ՝ Փհենյանի սպառնալիքները, որը վերջին ամիսներին հրթիռներ է արձակում Ճապոնիայի ուղղությամբ:
Նշենք, որ Սինձո Աբեի իշխող կոալիցիան խորհրդարանում պահպանել է ձայների երկու երրորդը: Ճապոնիայի վարչապետը կոչ է արել ձևավորել երկրի զինված ուժերը:
«Մեր կոալիցիան վստահության քվե է ստացել, և մենք դրա հիման վրա կտրուկ միջոցներ կկիրառենք Հյուսիսային Կորեայի սպառնալիքների դեմ»,- ասել է Աբեն մամուլի ասուլիսի ժամանակ:
Նա նաև հայտնել է, որ այդ միջոցները կքննարկի ԱՄՆ նախագահ Դոնալդ Թրամփի հետ, ով մյուս ամիս կայցելի Ճապոնիա, ինչպես նաև մյուս գերտերությունների՝ Ռուսաստանի և Չինաստանի հետ: