Վրաստանի ֆուտբոլի ազգային հավաքականի նախկին կապիտան Կախա Կալաձեն հաղթանակ է տարել Թբիլիսիի քաղաքապետի ընտրություններում: Այդ մասին ասվում է Վրաստանի ԿԸՀ հայտարարության մեջ:
Թբիլիսիի բոլոր 737 ընտրատեղեմասերի ձայների հաշվարկով՝ Կալաձեն հավաքել է ձայների 51.06%-ը: Նրա օգտին քվեարկել է ավելի քան 203 հազար մարդ:
Կախա Կալաձեն վրացի քաղաքական գործիչ է, նախկին ֆուտբոլիստ, հանդես է եկել Կիևի «Դինամո»-ում, «Միլան»-ում և «Ջենոա»-ում: Նա Վրաստանի լավագույն ֆուտբոլիստներից է և միակն, ով 2 անգամ հաղթել է «Չեմպիոնների լիգա»-ում: Քաղաքական գործունեությունը Կալաձեն սկսել է 2012թ.՝ «Վրացական երազանք» կուսակցության կազմում: Նույն թվականին նա դարձել է Վրաստանի Էներգետիկայի նախարար: