Իսպանիայի թագավոր Ֆիլիպ VI-ը կրկին կտրուկ քննադատել է Մադրիդից անկախանալու՝ Կատալոնիայի ծրագրերը՝ դրանք անընդունելի անվանելով: Այս մասին հաղորդում է Independent-ը:
Նա վստահություն է հայտնել, որ Մադրիդին կհաջողվի լուծել Բարսելոնայի հետ կոնֆլիկտը ժողովրդավարական ինստիտուտների օգնությամբ: «Կատալոնիան 21-րդ դարի Իսպանիայի մասն է հանդիսանում և կմնա Իսպանիայի մասը»,- վստահեցրել է Իսպանիայի թագավորը:
Նրա խոսքով՝ անթույլատրելի է ժողովրդավարության ոչնչացման եղանակով ապագայի ստեղծումը:
Ֆիլիպ VI-ի այս հայտարարությունը երկրորդն էր կատալոնական ճգնաժամի հարցով: Հոկտեմբերի սկզբին նա տեսաուղերձով դիմել էր ժողովրդին՝ մատնանշելով սահմանադրական կարգը պաշտպանելու անհրաժեշտությունը: