ԱՄՆ Մերիլենդ նահանգում ձերբակալվել է բիզնես պարկում կրակ բացած Ռադի Փրինսը: Այս մասին հայտնել է նահանգի ոստիկանապետը:
«Իրավապահները ձերբակալել են Ռադի Փրինսին Դելավերում»,- ասել է ոստիկանապետը: Ձերբակալված անձը երեկ երեկոյան Մերիլենդ նահանգի Էջվուդ քաղաքում կրակ է բացել բիզնես պարկում՝ սպանելով 3 մարդու և վիրավորելով ևս 3-ի:
Ավելի վաղ CNN-ը հայտնել էր, որ նրան հաջողվել է թաքնվել: Բացի այդ, քաղաքում մի քանի ուսումնական հաստատություններ հայտնել էին փակ ռեժիմի սահմանման մասին՝ կապված հրաձգության մասին հաղորդագրությունների հետ: