Սպիտակ տունը վրդովմունք է արտահայտել՝ կապված դաշնային դատարանի որոշման հետ, որով արգելափակվում է ԱՄՆ մուտքը սահմանափակելու մասին՝ ԱՄՆ նախագահ Դոնալդ Թրամփի նոր ներգաղթային հրամանագիրը: Հրամանագիրը պետք է ուժի մեջ մտնի չորեքշաբթի, ժամը 00:01-ին:
«Դաշնային դատարանի այսօրվա որոշումը խոչընդոտում է ամերիկացի ժողովրդի անվտանգության ապահովման և ԱՄՆ մուտքի անվտանգության նվազագույն ստանդարտների հետևման հարցով նախագահի ջանքերը»,- ասվում է Սպիտակ տան հայտարարության մեջ:
ԱՄՆ արդարադատության նախարարությունը դատարանի որոշումը սխալ է անվանել և հայտարարել մոտ ժամանակներս այն բողոքարկելու մասին:
Նշենք, որ հրամանագրով արգելվում է ԱՄՆ մուտքը Չադի, Իրանի, Լիբիայի, Սոմալիի, Սիրիայի և Եմենի քաղաքացիների համար: