Միջազգային

     Քալիֆորնիայի հյուսիսում անտառային հրդեհների հետևանքով զոհերի թիվը հասել է 40-ի, փոխանցում է BBC-ն: Տեղի իշխանությունները հաստատում են, որ նահանգում իրավիճակը վատթարանում է:
     Հարյուրավոր մարդիկ անհետ կորած են համարվում, կրակը տարածվել է նաև նահանգի տարբեր շրջաններում: Ավելի քան 8 հազար հրշեջ փորձում է մարել կրակը:
     Անտառային հրդեհները արդեն ոչնչացրել են ավելի քան 3,5 հազար շենք՝ 68,8 հեկտար տարածքով: Մոտ 25 հազար մարդ ստիպված է եղել լքել իր բնակավայրը:
     Հրդեհների հետևանքով զոհերի թիվը ռեկորդային է դարձել նահանգի համար 1933թ.-ից (այդ ժամանակ զոհվել էր 29 մարդ):