ԱՄՆ նախագահ Դոնալդ Թրամփը Քալիֆորնիա նահանգում աղետի ռեժիմ է հայտարարել: Այս մասին հայտնում է Սպիտակ տան մամուլի ծառայությունը: Աղետի ռեժիմի հայտարարումը հնարավորություն կտա հրդեհի դեմ պայքարի ու դրա հետևանքների վերացման համար միջոցներ տրամադրել պետակա և տեղական կառավարման մարմիններին: Ըստ վերջին տվյալների՝ նահանգում հրդեհների հետևանքով զոհվել է 17 մարդ: Ավելի քան 100 մարդ հոսպիտալացվել է: Հրդեհների պատճառով ոչնչացել է ավելի քան 2 հազար տուն ու շինություն: Տարհանվածների թիվը գերազանցում է 20 հազարը: Մինչ այժմ հրդեհի 17 օջախ չի հաջողվել մարել: