Գերմանացի գանձ որոնողն Օրանիենբուրգ քաղաքի մոտակայքում իր է հայտնաբերել, որն, ամենայն հավանականությամբ, նացիստների միջուկային ռումբի բաղադրիչ է: Սիրողական հնագետի կարծիքով՝ ռադիոակտիվ մետաղի մասն ապացույց է, որ գոյություն է ունեցել Երկրորդ համաշխարհային պատերազմի տարիների գաղտնի հետազոտական կենտրոն, որտեղ զբաղվել են ատոմային ռումբի մշակմամբ: Այս մասին գրում է The Independent-ը:
Պարբերականը նշում է, որ 64-ամյա Բերնդ Թալմանն այդ իրը հայտնաբերել է մետաղորսիչի օգնությամբ: Տղամարդն այն տուն է տարել, որից հետո հայտնել իր գտածոյի մասին:
Ոստիկանությունը պարզել է, որ մետաղը ճառագայթում է և հարևան տներից 15 մարդու է տարհանել: Իրը տեղադրվել է տարրայի մեջ և ուսումնասիրվում է ռադիացիոն անվտանգության մասնագետների կողմից:
64-ամյա տղամարդու նկատմամբ քրեական գործ է հարուցվել ռադիոակտիվ նյութն անօրինական պահելու համար: Տղամարդը հրաժարվել է հայտնել, թե կոնկրետ որտեղ է հայտնաբերել այն: