Ի՞նչ ենք ուտում, հագնում, դիտում

«Գահերի խաղը» ֆանտաստիկ սերիալի 7-րդ սեզոնի վերջին սերիան, որ եթեր է դուրս եկել օգոստոսի 27-ին, նոր ռեկորդ է սահմանել: «Վիշապն ու գայլը» սերիան կիրակի օրը դիտել է 12,1 միլիոն հեռուստադիտող: Դիտողների ընդհանուր քանակը՝ ներառած HBO Go և HBO Now ծառայություններից օգտվողները, կազմել է 16,5 միլիոն մարդ:
     12,1 միլիոն դիտողը 13%-ով ավելի է նախորդ ռեկորդից, որը կազմել է 10,7 միլիոն դիտող:
     Սակայն կինոքննադատները հարկ են համարում հիշեցնել, որ տպավորիչ թվերը որակի երաշխիք չեն: «Վիշապն ու գայլն» այս պահին RottenTomatoes-ում ունի ավարտական սերաների շարքում ամենացածր վարկանիշը:
     «Գահերի խաղը» սերիալի ավարտական սեզոնն էկրան կբարձրանա 2018-ին: