Իրադարձություններ

«Ծեծելը դաստիարակության միջոց չէ: Այդպես ոչ թե երեխային կարգ ու կանոն են սովորեցնում, այլ դարձնում են ագրեսիվ: Բռնությունը ծնողի ինքնաբավարարումն է, այլ ոչ թե երեխայի համար արված քայլ, կամայական ծեծով երեխային բերում ենք նեգատիվիզմի դաշտ, երեխային վախով չի կարելի պահել կամ ուղղորդել: Դաստիարակության իմաստը երեխայի հետ վարվելն է, նրան ընկալելը՝ որպես մարդ»,- այսօր լրագրողների հետ հանդիպմանը նման կարծիք է հայտնել հոգեբան Միհրդատ Մադաթյանը` հավելելով, որ ծեծով մեծացած երեխաներն այդպես են վարվում նաև իրենց շրջապատի հետ:

Հոգեբանի խոսքով` սխալ է նաև երեխային անընդհատ ասել` «չի կարելի» կամ՝ «մի արա», քանզի դրանով ոչ թե ցանկալի արդյունքի ես հասնում, այլ ընդհակառակը` մեծացնում այն անելու ցանկությունը: «Մենք եթե ինչ-որ բան արգելում ենք նրան, պետք է նաև բացատրենք, թե ինչու, իսկ այդ արգելքը երեխային բերում է թյուրիմացական վիճակի և հակառակ էֆեկտն ես տանում»,-ասել է Մադաթյանը: