Հունիսի 1-ին` Երեխաների պաշտպանության միջազգային օրը, ժամը 13:00-ին, Պետական կամերային երաժշտական թատրոնի գլխավոր մուտքի մոտ տեղի կունենա թատերականացված տոնական հանդիսություն: Թատրոնի արտիստները կներկայացնեն հատվածներ խաղացանկային տարբեր մանկական ներկայացումներից` ապահովելով օրվա խորհրդին համահունչ բարձր տրամադրություն:
Նույն օրը թատրոնի բեմում կներկայացվի Ա. Չուբարովայի «Խաղալիքների մոլորակը» մանկական երաժշտական ներկայացումը:
Ինտերակտիվ ու բազմաթիվ արկածներով հարուստ ներկայացումը թատրոնի այս տարվա պրեմիրաներից է և արդեն արժանացել հանդիսատեսի բարձր գնահատականին:
Պետական կամերային երաժշտական թատրոնն այդ օրվա բոլոր հանդիսականների համար անակընկալներ է նախապատրաստել: