Indy 500-ի ֆրանսիացի արշավորդ Սեբաստյեն Բուրդեն սարսափելի վթարի է ենթարկվել, նրա բոլիդը որակավորման մրցավազքի ժամանակ 370 կմ/ժ արագությամբ հարվածել է ճանապարհի պատնեշին ու հրկիզվել: Ինչպես հայտնում է Fox News-ը, չնայած ծանր վնասվածքներին՝ կոնքի ոսկրերի բազմաթիվ կոտրվածքներին ու աջ ազդրի կոտրվածքին, Բուրդեն չի կորցրել գիտակցությունը: Բոցավառվող բոլիդից նրան կարողացել են հանել միայն 10 րոպե անց, այնուհետև շտապօգնության մեքենայով տարել հիվանդանոց: «Նա այժմ լավ ձեռքերում է, մնում է սպասենք նրա վերականգնմանն»,- ասել է թիմի ղեկավարը, որի կազմում է Բուրդեն: