Loading...
Today:  Sunday, 20 May, 2018
Deposit percent:  
Armenian dram
14.00%
,
US Dollar
6.50%
,
European Euro
4.00%
,
Russian Ruble
8.50%

Press Review

Սենատոր. ԱՄՆ-ին անհրաժեշտ է հիմնովին վերանայել Թուրքիայի հետ հարաբերությունները
Voice of America News: Armenian
Սենատոր. ԱՄՆ-ին անհրաժեշտ է հիմնովին վերանայել Թուրքիայի հետ հարաբերությունները
01:13, 18.05.2018 / Voice of America News: Armenian
Միացյալ Նահանգների Սենատում քննարկվել են Թուրքիայում մարդու իրավունքների եւ հիմնարար ազատությունների նկատմամբ լրջագույն խախտումները:
Միջազգային հանրության արձագանքը Գազայի բռնություններին
Voice of America News: Armenian
Միջազգային հանրության արձագանքը Գազայի բռնություններին
01:52, 18.05.2018 / Voice of America News: Armenian
ԱՄՆ-ը այս շաբաթ արգելափակեց ՄԱԿ-ի Անվտանգության խորհրդի բանաձևը, որը կոչ էր անում հետաքննել Գազայի հատվածում տեղի ունեցած բռնությունները: Միջազգային հանրությունը և իրավապաշտպան կազմակերպությունները խստորեն դատապարտում են Գազայում Իսրայելի զինված ուժերի` վերջին օրերին իրականցրած բռնությունները: Մայիսի 14-ին՝ Երուսաղեմում ԱՄՆ-ի դեսպանատան բացման արարողությունը ուղեկցվել էր Գազայի սահմանին սկիզբ առած արյունալի բախումներով և Իսրայելի զինված ուժերի կողմից առնվազան 60 պաղեստինցի ցուցարարների սպանությամբ: Մինչև պաղեստինցիները նշում են, որ ցուցարարները ոչ մի սպառնալիք չեն ներկայացրել Իսրայելի համար, Իսրայելն ու Միացյալ Նահանգները պնդում են հակառակը և նշում, որ ցուցարարները փորձել են հատել սահմանը՝ չենթարկվելով Գազայի և Իսրայելի միջև անվտանգության գոտին խախտելու փորձերը դադարեցնելլու կոչերին: Ստեղծված լարված իրավիճակի կապակցությամբ ՄԱԿ-ում ԱՄՆ-ի դեսպան Նիքի Հեյլին հայտարարել է. «Բոլոր նրանք, ովքեր կարծում են, որ Գազայի բռնությունները կապ ունեն ԱՄՆ-ի դեսպանատունը Երուսաղեմ տեղափոխելու որոշման հետ՝ սխալվում են: Ճիշտ հակառակը՝ բռնությունը գալիս է հակառակ կողմից՝ նրանց կողմից, ովքեր մերժում են Իսրայել պետության գոյությունը ցանկացած վայրում: Նման նպատակը՝ ՄԱԿ-ի անդամ պետության նկատմամբ այնքան անօրինական է, որ չարժէ, որ Անվտանգության խորհրդում մեր ժամանակը վատնենք դրա վրա», - հայտարարել է ՄԱԿ-ում ԱՄՆ-ի դեսպան Նիքի Հեյլին: «Պաղեստինի ազատագրման կազմակերպության» գործադիր կոմիտեի անդամ Հանան Աշրավին Նիքի Հեյլիի մեկնաբանությունը «իրականության հետ ընդհանրապես ոչ մի աղես չունեցող» և «չափազանց վտանգավոր» է որակել և հավելել: «Երկրներ կան որոնք հեշտորեն ճնշվում են ԱՄՆ-ի կողմից և ենթարկվում սպառնալիքներին է ԱՄՆ-ի ներկայացուցիչների կողմից: Կարծում եմ՝ կարելի է վստահել միջազգային հանրությանը արդարության վերականգնման հարցում», - կարծում է «Պաղեստինի ազատագրման կազմակերպության» գործադիր կոմիտեի անդամ Հանան Աշրավին: Նշենք նաև, որ Միացյալ Նահանգները երեքշաբթի օրը արգելափակեց ՄԱԿ-ի Անվտանգության խորհրդի բանաձևը, որը կոչ էր անում հետաքննել Գազայի հատվածում տեղի ունեցած բռնությունները:
Փաշինյանը և Ռիչարդ Միլսը քննարկել են մի շարք հարցեր
Voice of America News: Armenian
Փաշինյանը և Ռիչարդ Միլսը քննարկել են մի շարք հարցեր
18:38, 18.05.2018 / Voice of America News: Armenian
Վարչապետ Նիկոլ Փաշինյանն մայիսի 18-ին ընդունել է Հայաստանում ԱՄՆ արտակարգ և լիազոր դեսպան Ռիչարդ Միլսին: Ըստ ՀՀ կառավարության տեղեկատվության և հասարակայնության հետ կապերի վարչության՝ վարչապետը կարևորել է հայ-ամերիկյան հարաբերությունների շարունակական զարգացումը և ողջունել պաշտոնական Վաշինգտոնի հանձնառությունն ու պատրաստակամությունը՝ տարբեր ոլորտներում երկկողմ համագործակցությանը նոր թափ հաղորդելու ուղղությամբ: ԱՄՆ-ի դեսպան Ռիչարդ Միլսը շնորհավորել է վարչապետ Փաշինյանին պաշտոնը ստանձնելու կապակցությամբ և փոխանցել՝ ԱՄՆ կառավարության պատրաստակամությունը՝ Հայաստանին նախանշված նպատակների իրականացման օժանդակելու գործում: «Միացյալ Նահանգների կառավարությունը հանձնառու է աջակցել ժողովրդավարության, մարդու իրավունքների, թափանցիկության և հաշվետվողականության հռչակված նպատակների հարցում, որոնք կբարելավեն Հայաստանի գործարար միջավայրն ու երկիրն առավել գրավիչ կդարձնեն ամերիկյան ներդրողների համար: Մենք երկխոսության և համագործակցության մի շարք հնարավորություններ ենք տեսնում, այդ թվում՝ հայ-ամերիկյան միջկառավարական աշխատանքների ձևաչափում»,- ասել է Ռիչարդ Միլսը: Վարչապետ Փաշինյանը և դեսպան Նիլսը հանդիպման ընթացքում անդրադարձել են նաև՝ երկու երկրների միջև առևտրաշրջանառության ծավալների ավելացմանը, տարածաշրջանային խնդիրներին, Ընտրական օրենսգրքի բարեփոխումներին, Հայաստանում խորհրդարանական ընտրությունների անցկացմանն ու երկուստեք հետաքրքրություն ներկայացնող այլ թեմաների:
Թրամփի և դեմոկրատների 2020 թվականի պայքարը
Voice of America News: Armenian
Թրամփի և դեմոկրատների 2020 թվականի պայքարը
22:44, 18.05.2018 / Voice of America News: Armenian
Թեև առջևում դեռ Կոնգրեսի միջանկյալ ընտրություններն են, Դոնալդ Թրամփը և որոշ դեմոկրատ թեկնածուներ կանխատեսում են, որ ԱՄՆ-ի 2020 թվականի նախագահական ընտրապայքարն ավելի թեժ է լինելու: Դոնալդ Թրամփը արդեն պատրաստվում է ԱՄՆ-ի 2020 թվականի նախագահական ընտրություններին: Ինդիանա նահանգ ուղևորվելիս նա հայտարարել է իր նախընտրական քարոզարշավի նոր կաւրգախոսը, այն է՝ «Հզոր պահենք Ամերիկան»: Թրամփը ակնհայտորեն մտահոգված է այս տարի Կոնգրեսի միջանկյալ ընտրություններում հակառակորդ դեմոկրատների հնարավոր հաղթանակով: «Այն բոլոր մեծ հաջողությունները, որ մենք գրանցել ենք աշխատատեղերի ստեղծման, անվտանգության և բանակի ոլորտներում՝ զոհասեղանին է դրվելու Նոյեմբերին», - ասել է ԱՄՆ-ի նախագահը: Առաջիկա ընտրությունների հավանական թեկնածու, Նյու Յորքի սենատոր Կիրստեն Գիլյրիբրանդիի կանխատեսումներով այս տարի դեմոկրատները կունենան կին քվեարկողների հսկայական աջակցությունը: «Գալիք ընտրություններում մեր հաղթանակի գլխավոր գրավականներից է կին թեկնածուների մասնակցությունը, կանանց մասնակցությունը քաղաքական գործընթացներին մեծանում է և սա մեծապես կոգնի մեզ»,-նշեց սենատորը։ Մինեսոթա նահանգի սենատոր Էմի Կլոբուչարը գտնում է, որ 2020 թվականի նախընտրական քարոզարշավը չի կարող կառուցվել միայն Թրամփի դեմ ուղղված քննադատության վրա: «Մարդկանց դուր չի գալիս, Թրամփի գործելակերպը, սակայն մենք հաջողության չենք հասնի, միայն Թրամփի քննադատությամբ: Մենք պետք է այլընտրանք առաջարկենք», - ասել է սենատոր Էմի Կլոբուչարը: Վերլուծաբանների կարծիքով, ինչպես և նախորդ նախագահները՝ Թրամփը նույնպես պետք է պատրաստ լինի, որ Կոնգրեսի ընտրություններում հանրապետականները կարող են ավելի քիչ ձայներ ստանալ: Փորձագետ Դեյվիդ Աբրահամը գտնում է, որ 2016 թվականին Բերնի Սանդերսին և Քլինտոնին սատարած դեմոկրատները պետք է միավորվեն 2020-ին հաջողության հասնելու համար: «Դեմոկրատական կուսակցությունը վերջին երկու տարիներին նոր բան չի առաջարկել, հակառակը՝ այն ամեն ինչ անում է, որ կուսակցության ներսի ձախ հայացքներ ունեցող անդամները ավելի ազդեցիկ դեր չունենան»: Թեև 2020 թվականի ընտրություններին դեռ բավական ժամանակ է մնացել, այդուհանդերձ հանրապետականներն ու դեմոկրատները պատրաստվում են թեժ պայքարի։
Մյուլերը դեռ հետաքննում է «Կրեմլ-Թրամփ թիմ» թնջուկը
Voice of America News: Armenian
Մյուլերը դեռ հետաքննում է «Կրեմլ-Թրամփ թիմ» թնջուկը
23:35, 18.05.2018 / Voice of America News: Armenian
2016 թվականի ԱՄՆ-ի նախագահական ընտրություններում ռուսական միջամտության գործով հետաքննությունը շարունակվում է։ Դոնալդ Թրամփի փաստաբանը հայտարարել է, որ ըստ ԱՄՆ-ի դատախազների որոշման, եթե 2016 թվականի ԱՄՆ-ի նախագահական ընտրություններում ռուսական միջամտության հետաքնությունը Թրամփին մեղավոր ճանաչի, նրան մեղադրանքներ չեն առաջդրվելու սրդեն շուրջ մեր մեկ տարվա պատմություն ունեցող այս գործի համար: Թեև Թրափմը հինգշաբթի օրը կրկին հերքել է իրեն ներկայացվող մեղադրանքները, արդեն մեկ տարուց ավել ընթացքող հատուկ դատախազ Ռոբերտ Մյուլլերի կողմից անցկացվող հետաքննությունը դեռ շարունակվում է: Որոշ կոնգրեսականներ մեղադրում են Թրամփին՝ հատուկ դատախազ Ռոբերտ Մյուլերի հետաքննությունը վարկաբեկելու մեջ: «Հետաքննությունը չի կարող վհուկների որս համարվել, երբ Թրամփի թիմի բարձատիճան ղեկավարների մեղադրանքներ են առաջադրվել: Սա վհուկների որս չէ, քանի որ դեմոկրատներն ու հանրապետականները ընդունում են հատուկ ծառայությունների հայտարարություններն առ այն, որ Ռուսաստանը միջամտել է մեր ընտրությանը Նախագահ Թրամփին աջակցելու նպատակով: Յուրաքանչյուր արդարամիտ քաղաքացի, անկախ կուսակցկան պատկանելիությունից, նայելով փաստերին կարող է ասել, որ այս հետաքննությունը վհուկների որս չէ: Նույնիսկ Թրամփի կողմից նշանակված Հետաքնությունների դաշնային բյուրոյի տնօրեն հանրապետական Քրիտոֆեր Ռեյը երեկ հայտնեց, որ համակարծիք է: Անկեղծորեն, կարծում եմ, որ ժամանական է, որպեսզի նախագահն ու նրա աջակիցները դադարեն վարկաբեկել Մյուլերի հետաքննությունը, մենք բոլորս պետք է արտահայտենց մեր վրդովմունքը այս առնչությամբ», - հայտարարել է Սենատում փոքրամասնություն կազմող դեմոկրատների ղեկավար Չակ Շումերը: «Նկատի ունեմ, որ մենք ուզում ենք, որպեսզի հետաքննությունն ավարտվի, բայց ես կրկին ցանկանում եմ նշել, որ Ռոբերտ Մյուլլերը պետք է ազատ զգա և ավարտի իր աշխատանքը», - հայտարարել է Ներկայացուցիչների պալատի խոսնակ Փոլ Ռայանը: Ռոբերտ Մյուլլերի հետաքննությունը ներկայումս շարունակվում է և պարզա չէ, թե այն երբ կավարտվի: Նշենք նաև, որ Մյուլերը սպառնացել էր Թրամփին պարտադիր հարցաքաննման կանչել, եթե նրա փաստաբաններին չհաջողվի համոզել Թրամփին՝ ինքնակամ ներկայանալ:
Amnesty International: Չենք կարող Սասնա Ծռեր դեպքերի մասնակիցներին համարել խղճի բանտարկյալ, քանի որ առկա է եղել բռնություն
Voice of America News: Armenian
Amnesty International: Չենք կարող Սասնա Ծռեր դեպքերի մասնակիցներին համարել խղճի բանտարկյալ, քանի որ առկա է եղել բռնություն
23:42, 18.05.2018 / Voice of America News: Armenian
Amnesty International կազմակերպության Հարավային Կովկասի հարցերով պատասխանատու Լևան Ասաթիանին պատասխանել է Ամերիկայի Ձայնի հարցերին Հայաստանում քաղբանտարկյալների խնդրի ու վերևջին զարգացումների վերաբերյալ
Ամերիկյան կազմակերպությունը մեղադրել է Թուրքիային հաքերային հարձակման մեջ
Voice of America News: Armenian
Ամերիկյան կազմակերպությունը մեղադրել է Թուրքիային հաքերային հարձակման մեջ
00:28, 19.05.2018 / Voice of America News: Armenian
Երկու օր առաջ Սենատում քննարկում կազմակերպած «Ի պաշտպանություն քրիստոնյաների» կազմակերպությունը մեղադրում է Թուրքիայի իշխանություններին կազմակերպության դեմ հաքերային հարձակում կազմակերպելու մեջ:
Նավալնու համախոհները «Ապագայի Ռուսաստան» կուսակցություն կստեղծեն
Azatutyun Radio
Նավալնու համախոհները «Ապագայի Ռուսաստան» կուսակցություն կստեղծեն
17:17, 19.05.2018 / Azatutyun Radio
Ռուսաստանցի ընդդիմադիր գործիչ, Պուտինի մոլի քննադատ Ալեքսեյ Նավալնու համախոհները պատրաստվում են կուսակցություն ստեղծել, որը կկոչվի «Ապագայի Ռուսաստան»: Այդ մասին որոշվել է Նավալնու աջակիցների՝ այսօր հրավիրված համագումարի ժամանակ: Ինքը Նավալնին հավաքին ներկա չի եղել, քանի որ 30-օրյա կալանքի է դատապարտված մայիսի 5-ին՝ նախագահ Վլադիմիր Պուտինի երդմնակալությունից առաջ «Նա մեր ցարը չէ» կարգախոսով ցույցեր անցկացնելու և ոստիկանությանը չենթարկվելու համար: Այդ օրը, հիշեցնենք, Մոսկվայում և Ռուսաստանի այլ քաղաքներում բերման էր ենթարկվել 1600-ից ավելի ցուցարար:
Մեծ Բրիտանիայում տեղի ունեցավ արքայազն Հարրիի և Մեգան Մարքլի պսակադրությունը
Azatutyun Radio
Մեծ Բրիտանիայում տեղի ունեցավ արքայազն Հարրիի և Մեգան Մարքլի պսակադրությունը
18:08, 19.05.2018 / Azatutyun Radio
Մեծ Բրիտանիայում այսօր կեսօրից պաշտոնապես մեկնարկեց արքայազն Հարրիի և ամերիկյան դերասանուհի Մեգան Մարքլի պսակադրության արարողությունը, որին ներկա էին հարյուրավոր աստղեր ու հեղինակավոր հյուրեր՝ ամբողջ աշխարհից: Հանդիսավոր արարողությունից առաջ թագուհի Եղիսաբեթ երկրորդը արքայազն Հարրիին և նրա հարսնացուին շնորհել է Սասեքսի դքսի ու դքսուհու տիտղոսները։ Պսակադրությանը ուղիղ հեռարձակմամբ հետևել են միլիոնավոր մարդիկ, տասնյակ հազարավորներն էլ դեռ երեկվանից են գիշերել Վինձորյան դղյակի մերձակայքում, որպեսզի առավել նպաստավոր դիրք զբաղեցնեն արարողությունը դիտելու համար:
Փաշինյանին շնորհավորել է Հնդկաստանի վարչապետը
Azatutyun Radio
Փաշինյանին շնորհավորել է Հնդկաստանի վարչապետը
20:17, 19.05.2018 / Azatutyun Radio
Նիկոլ Փաշինյանին Հայաստանի վարչապետ ընտրվելու կապակցությամբ շնորհավորական ուղերձ է հղել Հնդկաստանի վարչապետ Նարենդրա Մոդին: ՀՀ վարչապետի պաշտոնական կայքէջի փոխանցմամբ՝ ուղերձում մասնավորապես ասված է. - «Հայաստանի հետ Հնդկաստանի հարաբերությունները պատմական են, ջերմ ու բարեկամական: Վստահ եմ, որ այս հարաբերություններն էլ ավելի կամրապնդվեն ու կընդլայնվեն առաջիկա տարիներին: Ես ակնկալում եմ աշխատել Ձեզ հետ այս ուղղությամբ»: «Հղում եմ լավագույն մաղթանքերս Ձերդ Գերազանցության բարօրության և հաջողության, ինչպես նաև Հայաստանի բարեկամ ժողովրդի առաջընթացի և բարեկեցության համար», - գրել է Հնդկաստանի վարչապետը։ Նիկոլ Փաշինյանը Ազգային ժողովի կողմից Հայաստանի վարչապետ է ընտրվել և նախագահի հրամանագրով նշանակվել մայիսի 8-ին։
Հայաստանի ԱԳ նախարարը հանդիպել է Արցախի թեմի առաջնորդին
Azatutyun Radio
Հայաստանի ԱԳ նախարարը հանդիպել է Արցախի թեմի առաջնորդին
21:28, 19.05.2018 / Azatutyun Radio
Լեռնային Ղարաբաղում գտնվող Հայաստանի արտգործնախարար Զոհրաբ Մնացականյանը այսօր հանդիպել է Հայ Առաքելական եկեղեցու Արցախի թեմի առաջնորդ Պարգև արքեպիսկոպոս Մարտիրոսյանին։ Արցախի թեմի առաջնորդը ողջունել է Հայաստանի արտաքին քաղաքական գերատեսչության ղեկավարի պաշտոնում Զոհրաբ Մնացականյանի առաջին այցելությունը Արցախ, վստահություն հայտնելով, որ Ստեփանակերտում ունեցած հանդիպումներն ու շփումները լավ սկիզբ են հանդիսանում։ Պարգև սրբազանը ամենայն հաջողություն է մաղթել նախարար Մնացականյանին իր պատասխանատու առաքելության մեջ։ ՀՀ ԱԳՆ մամուլի և տեղեկատվության վարչության փոխանցմամբ՝ Զոհրաբ Մնացականյանը շեշտել է, որ Արցախում նոր ու բազմակողմանի դրական լիցքեր է ստացել, որոնք անհրաժեշտություն են Հայաստանի արտգործնախարարի առաքելության համար։ Նա նշել է, որ իր ունեցած հանդիպումները լավ հնարավորություն էին հստակ պատկերացում կազմելու ղարաբաղյան հիմնախնդրի կարգավորման գործընթացի և դրան առնչվող մի շարք այլ հարցերի վերաբերյալ Արցախի ղեկավարության մոտեցումների մասին։ Պարգև սրբազանը Հայաստանի արտգործնախարարին է ներկայացրել Արցախի թեմի գործունեությունը և ծրագրերը։
Սկոպյեն և Աթենքը կարող են համաձայնության գալ Մակեդոնիայի անվան շուրջ
Azatutyun Radio
Սկոպյեն և Աթենքը կարող են համաձայնության գալ Մակեդոնիայի անվան շուրջ
12:38, 20.05.2018 / Azatutyun Radio
Մակեդոնիայի վարչապետը հայտարարել է, որ երկրի անվան շուրջ հարևան Հունաստանի հետ տարիներ շարունակվող վեճը հարթելու հնարավորություն է ստեղծվել։ Վարչապետ Զորան Զաևը հայտարարել է, որ կողմերը համաձայնել են Մակեդոնիայի պաշտոնական անվանումը ձևակերպել որպես «Իլինդենական Մակեդոնիայի Հանրապետություն»։ Առաջարկվող անվանումը դեռ պետք է հաստատվի համաժողովրդական հանրաքվեի միջոցով։ Իլինդենը մակեդոնական քաղաք է, որտեղ 1903 թվականին սկսվել է թուրք նվաճողների դեմ ժողովրդական ապստամբությունը, իսկ 1944֊ին՝ նացիստների դեմ ապստամբությունը։ Մեկնաբանելով Զաևի հայտարարությունը, Հունաստանի վարչապետ Ալեքսիս Ցիպրասը նշել է, որ երկու երկրները մոտ են խնդրի լուծմանը։ «Մենք չպետք է բաց թողնենք այս պատմական հնարավորությունը», ֊ ընդգծել է Ցիպրասը։ Մակեդոնիայի անվան շուրջ վիճաբանությունը երկու հարևան պետությունների միջև ծագել է 1991 թվականին, երբ պաշտոնական Սկոպյեն անկախություն հռչակեց կոմունիստական Հարավսլավիայի անկումից հետո։ Աթենքը ընդդիմանում է Մակեդոնիայի անվանմանը, քանի ու Հունաստանի հյուսիսային շրջաններից մեկը կոչվում է Մակեդոնիա։
Լրագրողական կազմակերպությունները կոչ են անում Ղազախստանին դադարեցնել անկախ լրատվամիջոցների դեմ հետապնդումները
Azatutyun Radio
Լրագրողական կազմակերպությունները կոչ են անում Ղազախստանին դադարեցնել անկախ լրատվամիջոցների դեմ հետապնդումները
13:28, 20.05.2018 / Azatutyun Radio
Միջազգային 26 լրագրողական կազմակերպություններ կոչ են անում Ղազախստանին վերանայել երկու անկախ լրատվամիջոցների դեմ վերջին շրջանում իրականացված վարչական և քրեական հետապնդումները և վերանայել ազատ խոսքը սահմանափակող օրենսդրությունը։ «Մենք մտահոգված ենք Ratel.kz և մի շարք այլ լրատվամիջոցների դեմ դատախազության և դատարանների կողմից անհամաչափ, որոշ դեպքերում նաև ապօրինի գործողությունների առնչությամբ, ինչը վկայում է այն մասին, որ Ղազախստանի իրավապահ համակարգը օգտագործվում է քննադատական ձայները լռեցնելու համար, մինչդեռ այդօրինակ քննադատությունը նորմալ ժողովրդավարության անհրաժեշտ պայման է», ֊ ասված է Լրագրողների պաշտպանության կոմիտեի, «ՓԵՆ ինթերնեյշնլի» և մի շարք այլ կազմակերպությունների հրապարակած հայտարարությունում։ Ապրիլի 2֊ին ղազախստանի ոստիկանությունը խուզարկել է Ratel.kz֊ի և Forbes ամսագրի ղազախական տարբերակի գրասենյակները՝ բռնագրավելով համակարգիչներ և փաստաթղթեր։ Բացի այդ արգելափակվել է Ratel.kz֊ի ինտերնետային կայքը։ Այս գործողությունները իրականացվել են գործարար և ֆինանսների նախկին նախարար Զեյնուլա Կակիմժանովի բողոքի հիման վրա հարուցված քրեական գործի շրջանակներում։ Նախկին նախարարը պնդում է, որ այդ լրատվամիջոցները ստահոդ տեղեկություններ են հրապարակել՝ արատավորելով իր և իր որդու պատիվն ու արժանապատվությունը։
Չեչնիայում զինյալների գրոհի հետևանքով երեք զոհ կա, ոստիկանները սպանել են հարձակվողներին
Azatutyun Radio
Չեչնիայում զինյալների գրոհի հետևանքով երեք զոհ կա, ոստիկանները սպանել են հարձակվողներին
13:44, 20.05.2018 / Azatutyun Radio
Ռուսաստանի ոստիկանությունը կրակ է բացել և սպանել չորս զինյալների, ովքեր հարձակվել էին հիմնականում մահմեդականներով բնակեցված Չեչնիայի ուղղափառ եկեղեցիներից մեկի վրա։ Ռուսաստանի քննչական կոմիտեի տարածած հաղորդագրությունում նշվում է, որ զինյալների հարձակման հետևանքով զոհվել է եկեղեցի հաճախող քաղաքացիներից մեկը, վիրավորվել է ևս մեկը։ Բացի այդ, փոխրհրաձգության ժամանակ զոհվել է երկու ոստիկան։ Զինյալները զինված են եղել ատրճանակներով և դանակներով։ Չեչնիայի Ինքնավար Հանրապետության նախագահ Ռամզան Կադիրովը ռուսաստանյան լրատվամիջոցներին հայտնել է, որ զինյալները ծրագրել են պատանդներ վերցնել մայրաքաղաք Գրոզնիում գտնվող Միքայել Հրեշտակապետի Եկեղեցում
Կարո Փայլանի դեմ՝ տխրահռչակ 301-րդ հոդվածը
CIVILNET
Կարո Փայլանի դեմ՝ տխրահռչակ 301-րդ հոդվածը
16:04, 18.05.2018 / CIVILNET
Թուրքիայի խորհրդարանի հայազգի պատգամավոր Կարո Փայլանի դեմ հետաքննություն է սկսվել Թուրքիայի քրեական օրենսգրքի 301-րդ հոդվածով: Արդարադատության նախարարությունը հաստատել է ընդդիմադիր, քրդամետ «Ժողովուրդների դեմոկրատական կուսակցության» (HDP) պատգամավոր Կարո Փայլանին անձեռնմխելիությունից զրկելու դատախազության պահանջը և թույլատրել նրան դատել 301-րդ հոդվածի շրջանակում, որն է՝ հրապարակային կերպով «վիրավորել (անարգել) թուրք ազգը, թուրքական պետականությունը, Թուրքիայի Հանրապետության կառավարությունը»: Ինչպես սկսվեց Կարո Փայլանի դեմ 2017թ․ մայիսի 16-ին դատական հայց էր ներկայացրել Գիրեսունի համալսարանի նախկին ռեկտոր, պատմաբան Այգյուն Աթթարը: Վերջինս ադրբեջանցի է, ծնվել է նախկին Կուբաթլուում՝ արտալղիմյան մի տարածք, որն այժմ Որոտան անվամբ Արցախի Հանրապետության մաս է կազմում: Սովորել է Բաքվի պետական համալսարանում, իսկ Ադրբեջանի անկախությունից հետո տեղափոխվել Թուրքիա: Ինչպես կարելի է եզրակացնել թուրք-ադրբեջանական տարատեսակ ֆորումներին նրա մասնակցությունից, արդեն Թուրքիայի քաղաքացի Այգյուն Աթթարը կապը չի խզել Ադրբեջանի հետ: 2012թ․ Թուրքիայի նախկին նախագահ Աբդուլլահ Գյուլի հրամանով նշանակվել է Գիրեսունի համալսարանի ռեկտոր: Դատարան ներկայացրած հայցում նա բողոքել է Թուրքիայի խորհրդարանում 2017թ․ հունվարի 14-ին Կարոյի ելույթի և նույն տարվա մայիսին Կանադայի Horizon Weekly թերթին տված հարցազրույցների դեմ: Ինչ էր ասել Կարո Փայլանը Թուրքիայի մեջլիսում 2017թ․ հունվարի 17-ի իր ըմբոստ կեցվածքով հայտնի Փայլանն ասել էր. «Ժամանակին մենք 40 տոկոս էինք կազմում: Հիմա հազարից մեկն ենք: Ենթադրաբար, մեզ հետ ինչ-որ բան է պատահել. ես այն ցեղասպանություն եմ կոչում: Հայ ժողովուրդը շատ լավ գիտի, թե ինչ է իր հետ պատահել: Ինքս շատ լավ գիտեմ, թե ժամանակին ինչ է պատահել իմ պապի ու հոր հետ: Ուրեմն, եկե՛ք տեղի ունեցածին դո՛ւք անուն տվեք»: Իսկ Horizon Weekly-ին տված հարցազրույցում «Ժողովուրդների դեմոկրատական կուսակցության»՝ Ստամբուլից ընտրված պատգամավորը նշել էր. «Թուրքիան ցեասպանություն է գործել, ու այդ ցեղասպանությունը դեռ շարունակվում է»: Ինչ է սահմանում 301-րդ հոդվածը Թուրքիայի քրեական օրենսգրքի 301-րդ հոդվածը թեև 2008թ․ որոշ փոփոխությունների ենթարկվեց՝ մեղմելով որոշ սահմանվող պատիժներ, սակայն շարունակում է մնալ Հայոց ցեղասպանության հարցը բարձրացնողներին պատժելու յուրահատուկ գործիք: Պատահական չէ, որ այս հոդվածով քրեական գործ է հարուցվել «Ակօս» թերթի նախկին խմբագիր Հրանտ Դինքի, թուրք հայտնի գրող Օրհան Փամուքի, պատմաբան Թաներ Աքչամի ու հրատարակիչ Ռագըփ Զարաքօլուի դեմ: 2008թ․ օրենսդրական փոփոփություններից հետո «թուրք ազգին վիրավորելու համար» նախատեսված է 6 ամսից մինչև 2 տարվա ազատազրկում: Նման ժամկետը պայմանական ազատազրկման հնարավորություն է տալիս: Աննկուն Կարոն Կարոն չի պատրաստվում նահանջել: «Ակօս»-ին տված հարցազրույցում քրդամետ կուսակցության հայազգի պատգամավորն ասել է. «Ընտանիքիս ու ժողովրդիս պատուհասած մեծ աղետը ես միշտ որակել եմ ցեղասպանություն: Որպես Թուրքիայի խորհրդարանի պատգամավոր՝ պահանջել եմ հայ ժողովրդի դեմ պետական հրահանգով իրականացված հանցագործությունը խորհրդարանում քննել ու տեղի ունեցածին անուն տալ: Ես չեմ վիրավորում թուրք ժողովրդին, ինչպես ասվում է 301-րդ հոդվածում, ես թիրախավորել եմ ցեղասպանության ժամանակի խունտային և ցեղասպանական մտածողությունը: Ցավոք, Թուրքիան վերադառնում է հին սովորություններին: Անցյալին առերեսվելու պահանջները ճնշելու փորձ է արվում: Սակայն պետք է իմանան դատախազներն ու 301-րդ հոդվածով ինձ դատելու հնարավորություն տված կառավարությունը, որ չեն կարող ինձ ստիպել դույզն-ինչ նահանջել թե՛ ներկայի ու թե՛ անցյալի համար մղվող արդարության իմ պայքարից»: Այս համատեքստում ուշագրավ է Եվրախորհրդարանի՝ Թուրքիայի հարցով զեկուցող Քեթի Փիրիի հայտարարությունը. «Եթե ընտրված պատգամավորը չի կարողանում արտահայտել, այն ինչ մտածում է, ինչպե՞ս դա կարող է անել շարքային քաղաքացին»: Գոռ Երանյան
Պաշտպանության և արտաքին գործերի նախարարները այցելել են Նախիջևանի հետ սահման
CIVILNET
Պաշտպանության և արտաքին գործերի նախարարները այցելել են Նախիջևանի հետ սահման
16:16, 18.05.2018 / CIVILNET
Պաշտպանության նախարար Դավիթ Տոնոյանը և արտաքին գործերի նախարար Զոհրաբ Մնացականյանն այսօր այցելել են Նախիջևանի հետ սահման։ Այս մասին Ֆեյսուքի իր էջում գրել է պաշտպանության նախարարի խոսնակ Արծրուն Հովհաննիսյանը։ Նախարարների սահման կատարած այցի մասին իր ֆեյսբուքյան էջում գրել և լուսանկարներ է տեղադրել նաև ԱԳՆ խոսնակ Տիգրան Բալայանը։
42 տարեկան եմ, ու իմ երազանքը կատարվում է բանտում. Մհեր Ենոքյան
CIVILNET
42 տարեկան եմ, ու իմ երազանքը կատարվում է բանտում. Մհեր Ենոքյան
20:57, 18.05.2018 / CIVILNET
Ցմահ դատապարտյալ Մհեր Ենոքյանը, ով 22 տարի անազատության մեջ է, մայիսի 18-ին «Նուբարաշեն» քրեակատարողական հիմնարկում պաշտպանեց իր դիպլոմային աշխատանքը։ Նա ուսանել է Հայ-ռուսական (Սլավոնական) համալսարանի իրավագիտության ֆակուլտետում։ Մասնագիտական ավարտական թեզի պաշտպանության ժամանակ գնահատող հանձնաժողովը նրան բարձր միավոր շնորհեց՝ 77 բալ։ Ենոքյանը պետական քննություններից ստացել է 80 և 85 միավորներ։ Հանձնաժողովի նախագահ Անատոլի Բարաբաշը որոշումը հրապարակելիս ասաց, որ բանտի ներսում նման աշխատանք կատարելը վկայում է անձի մեծ կամքի ուժի մասին։ Սա Հայաստանում առաջին դեպքն է, երբ ցմահ դատապարտյալը դառնում է իրավաբան։ Մհեր Ենոքյանի դիպլոմային աշխատանքը վերաբերում է հենց իր խնդրին՝ այն վերնագրված է «Ուժի մեջ մտած դատավճիռների վերանայումը. տեսական և պրակտիկ խնդիրները»։ Ենոքյանին մեղադրանք է առաջադրվել համակուրսեցի Իոսիֆ Աղաջանովին սպանելու համար։ Նա 1996-ին նոյեմբերի 29-ին դատապարտվել է մահապատժի։ Ըստ դատավճռի՝ հանցագործությունը Ենոքյանը կատարել է ընկերոջ՝ գյուղատնտեսական ինստիտուտի ուսանող Արամ Հարությունյանի հետ, վերջինիս տանը: 2003-ին, երբ մահապատիժը վերացավ Հայաստանում, Մհեր Ենոքյանը դատապարտվեց ցմահ ազատազրկման։ Ենոքյանն ասում է, որ 22 տարի պայքարել է արդարության համար։ Նա պնդում է՝ սպանության մեջ մեղավոր չէ։ Ցմահ դատապարտյալը երկու անգամ փախուստի է դիմել բանտից, ինչպես նաև երեք անգամ միջնորդել է Վճռաբեկ դատարանին վերաբացելու իր գործը, սակայն մերժվել է։ «Վերջին մերժումից հետո ես հայտնվեցի փակուղում, չէի տեսնում՝ ելքը որն է, բայց մեր համաժողովրդաական պայքարն իմ մեջ հույս առաջացրեց, ես հեռուստացույցով հետևում էի այս ողջ պայքարին, խցում գոռում էի, ասում էի՝ մաղալ բերեք, խորոված անեմ ու տոնեմ մայիսի 8-ը»,- ասում է ցմահ դատապարտյալը։ Ըստ նրա՝ շատերը վստահ են, թե իրենց խնդիրն առաջնահերթ է, ու Նիկոլ Փաշինյանը պետք հրատապ լուծում տա, սակայն ինքը այլ կարծիքի է. «Պետք մի փոքր համբերատար լինենք ու սատար կանգնենք Նիկոլ Փաշինյանին»։ Ենոքյանի խոսքով՝ դատական համակարգը տառապում է անսխալականության բարդույթով։ Նա այս հարցում համոզվել է սեփական փորձով։
More...


|
Like and Subscribe