Խնդրում ենք սպասել...
Այսօր`  երեքշաբթի, 19 հունիսի, 2018 թ.
Ավանդների տոկոսադրույքը`  
Հայկական դրամ
14.00%
,
ԱՄՆ դոլլար
6.50%
,
Եվրոպական Եվրո
4.00%
,
Ռուսական ռուբլի
8.50%

Քննարկումներ

«Մարդկանց սերիալների միջոցով կառավարելու առաջադրանքը Դիանան շատ լավ կատարել է ու կատարում է». հանրությունը քննարկում է Դիանա Գրիգորյանի պարգևատրումը

«Մարդկանց սերիալների միջոցով կառավարելու առաջադրանքը Դիանան շատ լավ կատարել է ու կատարում է». հանրությունը քննարկում է Դիանա Գրիգորյանի պարգևատրումը

Համացանցում երեկվանից ակտիվորեն քննարկվում է ՀՀ նախագահի հրամանագիրը՝ Դիանա Գրիգորյանին Մովսես Խորենացու մեդալ շնորհելու կապակցությամբ: Համացանցի առավել ուշագրավ գրառումները ներկայացնում ենք ձեր ուշադրությանը:

Այս թեման մեկնաբանել են`

Ստյոպա Սաֆարյան, քաղաքական գործիչ

Ստյոպա Սաֆարյան, քաղաքական գործիչ

Իսկ գիտեք, թե Մովսես Խորենացին որքան էր երազում քյառթ-կրիմինալ սերիալային ժանրի մասին: Պարզապես դառնությամբ գիտակցում էր հեռուսատտեսության բացակայության փաստն ու իր «Պատմությունը հայոց»-ը սցենարի չէր վերածում, փողոցից դերեսանների քասթինգ չէր անում: Թե չէ գիտեք՝ ինչպե՜ս կգրեր.
-Արա Վասակ, էս խի ես Պարսկաստանի յաներից գալԸմ: Չլնի՞ դավաճանության մամենդ ա, խարեբ...
Ու այսպես շարունակ...

Արամ Մանուկյան, ակտիվիստ

Արամ Մանուկյան, ակտիվիստ

Դիաննա Գրիգորյանին մեդալ տալու պատճառը ավելի խորն է, քան երևում է . դա մի պետական ծրագիր է, որը իրականցվում է երկար տարիներ՝ մարդկանց սերիալների միջոցով կառավարել, կախվածության մեջ դնել իրենց զիբիլ ալիքներից՝ սուտ ինֆորմացիա տեղ հասցնելու համար: Իսկ այդ առաջադրանքը Դիաննա շատ լավ էլ կատարել է ու կատարում է:

Ռուզան Բաբայան, օգտատեր

Ռուզան Բաբայան, օգտատեր

Մովսես Խորենացու մեդալը շնորհվում է հայ մշակույթի, արվեստի, գրականության, կրթության, հումանիտար գիտությունների բնագավառներում ունեցած ստեղծագործական ակնառու նվաճումների համար։ Երևի մեդալ տվողները տալուց առաջ մոռացել են նախ իմանալ այս մեդալի իմաստը .

Սուրեն Թադևոսյան, օգտատեր

Սուրեն Թադևոսյան, օգտատեր

Թույլատրողը, ցավոք, մենք ենք՝ մեր հասարակությունը, որովհետև ըստ արժանվույն չեն մերժել, մեր կենցաղից չենք օտարել էդ սերիալները, որովհետև չենք գնում օպերա, թատրոն, գոնե, վերջիվերջո, կինո, կարելի՞ է գնալ մեկ-մեկ: Իրենց ռեյթինգը ապահովողը մենք ենք՝ մեր հասարակությունը:

Սեմ Քեռյան, օգտատեր

Բա դուք ի՞նչ էիք ուզում


Սցենարիստ, դերասանուհի, հեռուստաեթերից հայտնի Դիանա Գրիգորյանը անդրադարձել է մարտի 8-ի առթիվ Սերժ Սարգսյանի կողմից «Մովսես Խորենացու» անվան մեդալով պարգևատրելուց հետո հանրության կողմից քննադատությանը։


««Char u naxanz» մարդկանց կասեմ հետևյալը՝ մոռացել եք անգամ, որ այսօր տոն է, որ այսօր պիտի ՁԵր մայրերին, քույրերին և կանանց տաք բարություն, ջերմ խոսքեր, փոխարենը Ձեր ներսի մաղձը շպրտում եք մի մարդու վրա , ով նույնպես կին է, մայր և դուստր: Եթե իմանամ , որ Ձեր մեջ կուտակված թույնն, ինձ վրա թափելով կօգնի ՁԵզ ՁԵր շրջապատի կանանց մի քիչ ավելերջանկացնել և ուշադրության արժանացնել, պատրաստ եմ ինձ վրա կրել Ձեր «ագրեսիան»»:


Այս գրառումից երևում է, որ Դիանա Գրիգորյանը այդպես էլ ոչինչ չի հասկացել: Չի հասկացել, թե ինչու են մարդիկ քննադատում:


Հարգելի Դիանա Գրիգորյան, բոլորս էլ շնորհավորում ենք ձեր տոնը, ցանկանում, որ դուք՝ որպես կին, դուստր, մայր, լինեք գեղեցիկ ու երջանիկ:


Բայց այս մաղթանքները որևէ կապ չունեն ռեժիսոր, սցենարիստ, դերասան Դիանա Գրիգորյանի հետ: Այստեղ արդեն ինքը պետք է մեզ՝ հանրությանը, հեռուստադիտողներին, մաղթի քաջ առողջություն, ծով համբերություն, տոկունություն՝ իր հեղինակած սերիալներին ու եթերային այլ աղբերին դիմանալու համար:


Բա դուք ի՞նչ էիք ուզում, Դիանա: Հանրությունը ձեր պարգևատրմանը արձագանքել է ձեր իսկ սերիալների բառապաշարով: Լավ բառապաշար լիներ, լավ բառեր կասեին, փողոցային ու գարշահոտ բառապաշար է, դա են ասում: Սա ձեր իսկ գործունեության արձագանքն է:


Եթե Սերժ Սարգսյանը Դիանա Գրիգորյանին իր անտաղանդության, դիլետանտության, ռաբիս ճաշակի համար պարգևատրել է Խորենացու մեդալով, հանրությունն էլ իր հերթին է նրան պարգևատրել՝ իր արձագանքով, մեկնաբանություններով, գնահատականներով:

Անի Պետրոսյան, ռեժիսոր, լուսանկարիչ

Անի Պետրոսյան, ռեժիսոր, լուսանկարիչ

Դիանա ջան շնորհավորում եմ: Արժանի ես հաստատ է՛լ ավելի բարձր պարգևների: Գիտեմ, որ քեզ ասեն դու այլ մտքի թռիչք ունես, դու կպատկերացնես 5 հարկանի քարե շենքի բարձրություն: Երբեք չեմ մոռանա այն միջադեպը, երբ ընկերուհուս հետ հանդիպեցինք քեզ, նա ասաց, որ օրդինատոր է, իսկ դու հարցրեցիր՝ դա ո՞րն է, սանիտարկա՞ն: Եվ երբ ես և նա նայեցինք իրար ու խնդացինք, քեզ թվաց քո վրա ենք խնդում, այլ չմտածեցիր՝ օգնականիդ, որը ոտքը ոտքին գցած թափահարում էր կիսահան կոշիկը և օգնում, որ ոտքերի Chanel Chance հիշեցնող բուրմունքը է՛լ ավելի արագ տարածվեր քո առանձնասենյակում: Մի խոսքով, հուսանք օրը կգա, բարին էլ հետը և դու, ինչպես և մնացած անգրագետ էշերը, կհամալրեք հարևան թշնամի երկրի հարեմները:

13325 | 1
|
Հավանե՛ք և բաժանորդագրվե՛ք
Facebook
ВКонтакте
ՄԱՄՈՒԼ.am