Խնդրում ենք սպասել...
Այսօր`  կիրակի, 24 հունիսի, 2018 թ.
Ավանդների տոկոսադրույքը`  
Հայկական դրամ
14.00%
,
ԱՄՆ դոլլար
6.50%
,
Եվրոպական Եվրո
4.00%
,
Ռուսական ռուբլի
8.50%
ԱՐՑԱԽ.news ԼՐԱՏՎԱԿԱՆ

Քննարկումներ

«Փողոցում նկարվում ենք, աշխատանքի վայրում նկարվում ենք, ավտոմեքենայում նկարվում ենք, մնում էր նաև մեր բնակարանում նկարվեինք». քննարկվում է «Ոստիկանության մասին» վիճահարույց նախագիծը

«Փողոցում նկարվում ենք, աշխատանքի վայրում նկարվում ենք, ավտոմեքենայում նկարվում ենք, մնում էր նաև մեր բնակարանում նկարվեինք». քննարկվում է «Ոստիկանության մասին» վիճահարույց նախագիծը

ԱԺ-ն առաջին ընթերցմամբ ընդունել է Կառավարության ներկայացրած «Ոստիկանության մասին» օրենքում փոփոխությունների վերաբերյալ նախագիծը, որը նախատեսում է հանցագործությունը կանխելիս կամ բացահայտելիս հասարակական կարգի պահպանությունն, այդ թվում ճանապարհային երթևեկության անվտանգություն ապահովելիս, ոստիկանության ծառայողներին իրավունք վերապահել օգտագործել տեսաձայնագրող կամ լուսանկարահանող տեխնիկական միջոցներ: Ոստիկաններին կարող են իրավունք վերապահել նաև առանձին դեպքերում հանրային վայրերում տեղադրել տեսանկարահանող կամ լուսանկարահանող սարքեր:


Օրինագծի վերաբերյալ քննարկումները խորհրդարանում բավականին բուռն էին:


Այս թեման մեկնաբանել են`

Վարդան Եղիազարյան, ՀՀ փոխոստիկանապետ

Վարդան Եղիազարյան, ՀՀ փոխոստիկանապետ

Էսօր ունենք 3 կարգի միջոցներ՝ ստացիոնար արագաչափեր, քաղաքով մեկ սփռված տեսախցիկներ, երրորդը կլինեն դյուրագրգիռ միջոցները, որոնք կլինեն ոստիկանների ձեռքին, հագուստի վրա կամ մեքենայում՝ ծառայելով հանցագործությունները բացահայտելուն, կանխարգելելուն, հասարակական կարգն ապահովելուն:

Արտակ Զեյնալյան, Աժ «Ելք» խմբակցության պատգամավոր

Արտակ Զեյնալյան, Աժ «Ելք» խմբակցության պատգամավոր

Սա ամբողջությամբ միջամտություն է մարդու իրավունքներին: Բնութագրում եմ ոչ թե արտակարգ ռեժիմով բերված օրենք, այլ՝ գաղտագողի: Օրենքը պետք է քննարկվեր մարդու իրավունքների հանձնաժողովում, որը չունենք, իսկ միավորված հանձնաժողովը դա չի քննարկել: Կոչ եմ անում հասարակական կազմակերպություններին ըմբոստանալ այս գաղտագողի օրենքին:

Սասուն Միքայելյան, ԱԺ «Ելք» խմբակցության պատգամավոր

Սասուն Միքայելյան, ԱԺ «Ելք» խմբակցության պատգամավոր

Տեսանկարահանող սարքերը տեղադրելով՝ մարդու իրավունքներն ենք պաշտպանելո՞ւ, թե՞ ավելի ենք վնաս տալու: Դառնալու ա ոստիկանական երկիր՝ մարդ չի կարողանալու ազատ արտահայտվել, խոսել:

Նաիրա Զոհրաբյան, ԱԺ «Ծառուկյան» խմբակցության պատգամավոր

Նաիրա Զոհրաբյան, ԱԺ «Ծառուկյան» խմբակցության պատգամավոր

Ի՞նչն է խնդիրը, որ առաջին հայացքից պոզիտիվ թվացող նախաձեռնությունն առաջացնում է նման մտահոգություններ: Շատ պարզ է, որովհետև տասնյակ տարիներ մեր երկրում եղել են քաղաքական հաշվեհարդարներ, քաղաքական նպատակահարմարությունից ելնելով՝ դատավճիռներ, որոշումներ ու լինելու են, քանի դեռ չունենք անկախ դատական համակարգ: Մենք բոլորս իրավունք ունենք ունենալու կասկածներ, որ այն, ինչ առաջարկվում է կառավարության կողմից, օգտագործվելու է ի չարս: Նույն բանն է՝ նախագիծ բերեք մարդկանց վրա ժուչոկներ դնելու մասին... Մենք ունենք վստահության լրջագույն ճգնաժամի խնդիր, ուստի իրավունք ունենք կասկածելու, որ նախագիծը ենթատեքստում բացարձակապես այլ պատճառներ է պարունակում:

Գևորգ Պետրոսյան, ԱԺ «Ծառուկյան» խմբակցության պատգամավոր

Գևորգ Պետրոսյան, ԱԺ «Ծառուկյան» խմբակցության պատգամավոր

Մենք բոլորս, անկախ մեր առաջին մասնագիտությունից, կինոդերասաններ ենք՝ փողոցում նկարվում ենք, աշխատանքի վայրում նկարվում ենք, ավտոմեքենայում նկարվում ենք, մնում էր նաև մեր բնակարանում նկարվեինք: Այսքանից հետո մեզ ոչինչ չի խանգարում հայցել միջազգային կառույցների աջակցությունը՝ մեզ հայտնի դերասանների ցանկում ընդգրկելու համար:

Նիկոլ Փաշինյան, ԱԺ «Ելք» խմբակցության ղեկավար

Նիկոլ Փաշինյան, ԱԺ «Ելք» խմբակցության ղեկավար

Ի վերջո ոստիկանության երազանքը կիրականանա՝ նա հնարավորություն կունենա ՀՀ-ում ցանկացած տեղ տեսախցիկներ տեղադրելու: Ինչո՞ւ է կառավարության համար այս համատարած տեսացիկների հարցն անհետաձգելի. քանի որ դիմացն ապրիլն է ու իշխանությանը պետք են երաշխիքներ ոչ միայն իմանալու, թե էս հատվածի պատգամավորներն ինչ են անում, այլ՝ նաև մյուս հատվածինը: Մենակ մեր չէ՝ ձեր վրա էլ են կախելու տեսախցիկներ: Այնպես որ, ժպտացեք, անընդհատ գովերգեք Սերժ Սարգսյանին, որովհետև ձեզ նկարահանում են թաքնված տեսախցիկով:

Էդուարդ Շարմազանով, Աժ փոխնախագահ (ՀՀԿ)

Էդուարդ Շարմազանով, Աժ փոխնախագահ (ՀՀԿ)

Բնական է, որ հարցի քննարկումը գնաց այլ ուղղությամբ, որովհետև մտահոգություններ կարող են ունենալ բոլորը: Չեմ կիսում մեր ընդդիմադիր գործընկերների որոշ մտահոգությունները: Օրենքի նպատակը ոչ թե ընդդեմ քաղաքացու կամ ընդդեմ քաղաքական գործիչների է, այլ հանուն քաղաքացու պաշտպանությանը, հասարակական կարգի պահպանմանը, հնարավոր հանցագործությունների կանխարգելմանը:

17386 | 0
|
Հավանե՛ք և բաժանորդագրվե՛ք
Facebook
ВКонтакте
ՄԱՄՈՒԼ.am