Խնդրում ենք սպասել...
Այսօր`  հինգշաբթի, 14 դեկտեմբերի, 2017 թ.
Ավանդների տոկոսադրույքը`  
Հայկական դրամ
14.00%
,
ԱՄՆ դոլլար
6.50%
,
Եվրոպական Եվրո
4.00%
,
Ռուսական ռուբլի
9.00%

Քննարկումներ

«Ապրիլյան պատերազմում 800 հա կորուստ ունեցանք, 100 զոհ, ոչ ոք չպատժվեց, իսկ Բաբայանի հրամանատարության օրոք ազատագրվեց Արցախն ամբողջությամբ». արձագանքներ՝ Բաբայանի ազատազրկմանը

«Ապրիլյան պատերազմում 800 հա կորուստ ունեցանք, 100 զոհ, ոչ ոք չպատժվեց, իսկ Բաբայանի հրամանատարության օրոք ազատագրվեց Արցախն ամբողջությամբ». արձագանքներ՝ Բաբայանի ազատազրկմանը

Ռազմամթերքի ապօրինի շրջանառության և փողերի լվացման գործով մեղադրվող Արցախի պաշտպանության նախկին նախարար Սամվել Բաբայանը դատապարտվեց 6 տարվա ազատազրկման:
Դատավճռի հրապարակումից հետո Սամվել Բաբայանը հայտարարեց, որ չի ընդունում իր մեղավորությունը` պնդելով, որ իր գործողություններում հանցավոր տարր չկա: Վերջինի փաստաբան Ավետիս Քալաշյանն էլ իր հերթին է նշում, որ իր պաշտպանյալին վերագրված մեղադրանքն անհիմն է և շինծու:
Շատերի կարծիքով՝ Բաբայանին ազատազրկելը քաղաքական պատվեր էր, որի նպատակը նրան մեկուսացնելն էր:

Այս թեման մեկնաբանել են`

Ավետիս Քալաշյան, փաստաբան

Ավետիս Քալաշյան, փաստաբան

Նման դատավճիռ կայացնելու մեջ միտում կար: Հետագայում, եթե համաներում լինի, դա չի տարածվի Սամվել Բաբայանի վրա:
Անպայման բողոքարկելու եմ Կենտրոն և Նորք Մարաշ վարչական շրջանների ընդհանուր իրավասության դատարանի դատավճիռը և անհրաժեշտության դեպքում հասնելու ենք մինչև Մարդու իրավունքների եվրոպական դատարան:

Արամ Հարությունյան, «Ազգային համաձայնություն» կուսակցության ղեկավար

Արամ Հարությունյան, «Ազգային համաձայնություն» կուսակցության ղեկավար

Այսօր երևաց, որ Բաբայանը ՀՀ թիվ մեկ քաղբանտարկյալն է, քանի որ ամենաշատն իրենից էին վախենում: Նախընտրական շրջանում նա ցանկանում էր, որ ընդդիմադիր ուժերը միասնական հանդես գան ու այդ նպատակով հանդիպել էր բոլորի հետ: Ես գիտեմ՝ ինչ են խոսել: Իշխանությունները վտանգ էին զգում, քանի որ Արցախում ևս նրան ակնածանքով էին վերաբերվում: Իշխանությունները զգացին, որ հնարավոր են ոչ միայն նախընտրական, այլև հետընտրական զարգացումներ ու դրա համար մեկուսացրին:

Անդրանիկ Թևանյան, «Համախմբում» կուսակցության ներկայացուցիչ

Անդրանիկ Թևանյան, «Համախմբում» կուսակցության ներկայացուցիչ

Մենք գործ ունենք ենթադրության վրա հիմնված նախաքննության եզրակացության հետ: Չներկայացվեց ենթադրյալ հանցագործության, այսպես կոչված, մոտիվը: Այսինքն` ամբողջ շղթան պետք է բացահայտվեր մեղադրողի կողմից, բայց հասկանալի չդարձավ, որ եթե, ենթադրենք ինչ-որ գործողություն արել են, ապա ինչի համար են արել: Իսկ դա պարտադիր պայման է դատական գործընթացի համար:
Բաբայանի գործը հասնելու է մինչև Եվրոդատարան: Կարելի է պատկերացնել, թե ինչ են շահելու դրանից ադրբեջանցիները: Նման դատավարություն Սամվել Բաբայանի դեմ նաև Բաքվում է եղել... Մենք մեր իսկ ձեռքերով Արցախի բանակը, նաև պատերազմի ժամանակ այդ բանակը ղեկավարած մարդուն ներկայացնում ենք զենքի գործով և փողերի լվացմամբ զբաղվող հանցագործի: Թե սա ինչպիսի հարված է Հայաստանի Հանրապետությանը, կարող եք ինքներդ գնահատել:
Դատարանը կայացրեց քաղաքական որոշում, որը հարված էր նաև դատական իշխանությանը: Ես կարծում էի, որ քաղաքական գործընթացներից ելնելով` իշխանությունները պետք է իրենց մեջ ուժ գտնեին և կարողանային արդարացի որոշում կայացնել, սակայն ցավոք սրտի, այդպես չեղավ: Հետագայում կարծում եմ, որ գործը կգնա Վերաքննիչ, Վճռական դատարաններ և ապա՝ ՄԻԵԴ: Իսկ Եվրոդատարանում, արդեն, կարելի է շնորհավորել ադրբեջանցիներին, որոնք կկարողանան ՀՀ բանակը ղեկավարած հրամանատարին ներկայացնել որպես հանցագործի:

Նորայր Նորիկյան, փաստաբան

Նորայր Նորիկյան, փաստաբան

Հաճախ չէ, որ մեր երկրում հերոս է դատվում:
Համաձայն եմ, եթե մեղավոր է, պետք է պատժվի` անկախ նրանից, թե ով է: Բայց արդյո՞ք բոլորն են հավասար օրենքի առաջ, արդյո՞ք օրենքը մեր երկրում ընտրովիաբար չի գործում:
Ախր այնքան սրիկաներ ու իրական հանցագործներ կան, որ անպատիժ են ու ազատության մեջ…

Ոսկան Սարգսյան, լրագրող

Ոսկան Սարգսյան, լրագրող

Անկախ այն բանից, թե Սամվել Բաբայանը մեղավո՞ր էր իրեն առաջադրված մեղադրանքում, թե՝ ոչ, Արցախում ինչ մեծ սխալներ է ժամանակին թույլ տվել, նրա նկատմամբ դատավճիռը ոչ արդար էր, ոչ` նպատակահարմար: Հայաստանում արդադատություն չկա, կա` նպատակահարմարություն, բայց ո՞ւմ համար էր նպատակահարմար Սամվել Բաբայանին ազատազրկելը: Ապրիլյան պատերազմում 800 հեկտարի կորուստ ունեցանք 100-ից ավելի զոհեր, ոչ մեկը դրա համար պատասխան չտվեց, «չնստեց», Արցախի բանակի հաղթական հրամանատարին, ով հաղթանակի խորհրդանիշն է դարձել, ազատազրկել են կիսատ զենքի, «տրուբայի», մեկ էլ`ներկոտված եվրոների համար:

Թագուհի Մելքոնյան, լրագրող

Թագուհի Մելքոնյան, լրագրող

Օրենքի առաջ ինչպես և մարտի դաշտում հավասար են բոլորը: Անկախ ամեն ինչից` Սամվել Բաբայանը եղել և մնում է Արցախի ազատագրական պայքարի հիմքում կանգնած զինվորականներից մեկը: Նրա կենսագրությանը կավելանա 6 տարվա դատավճիռը, բայց երբեք չի սրբագրվի այն փաստը, որ նրա հրամանատարության օրոք ազատագրվեց 11.458 կմ² տարածք, ներկայիս Արցախի տարածքն ամբողջությամբ:

Դերենիկ Մալխասյան, լրագրող

Դերենիկ Մալխասյան, լրագրող

Բաբայանին դատապարտելու լուրը կարդալուց հետո մի սովետական անեկդոտ հիշեցի։
Մի կալանավոր մյուսին հարցնում է.
-Քեզ քանի՞ տարի են տվել
-10
-Ինչի՞ համար
-Ոչ մի բանի
-Սուտ ես ասում, ոչ մի բանի համար 6 տարի են տալիս։

17331 | 1
|
Հավանե՛ք և բաժանորդագրվե՛ք
Facebook
ВКонтакте
ՄԱՄՈՒԼ.am
MAR.fr.
MAR.fr. 21:06, 02.12.2017
es nor havataci, vor Montein tikunqic yurayinern en spanel:nranq HEROS chen sirum, Samvel Babayane dzez orinak: