Խնդրում ենք սպասել...
Այսօր`  ուրբաթ, 22 սեպտեմբերի, 2017 թ.
Ավանդների տոկոսադրույքը`  
Հայկական դրամ
14.00%
,
ԱՄՆ դոլլար
6.50%
,
Եվրոպական Եվրո
4.00%
,
Ռուսական ռուբլի
9.00%

Քննարկումներ

Հանրությունը դատապարտում է բոլշևիկյան բռնաճնշումների զոհերին նվիրված ցուցահանդեսի փակումը

Հանրությունը դատապարտում է բոլշևիկյան բռնաճնշումների զոհերին նվիրված ցուցահանդեսի փակումը

Երևանի Հովհաննես Թումանյանի թանգարանում օգոստոսին ներկայացվել էր «Խավարում» խորագրով ցուցադրությունը, որը նվիրված էր բոլշևիկյան բռնատիրության զոհերին։ Ցուցադրությունը, որը պետք է տևեր մինչև ուշ աշուն, Մշակույթի նախարարության հրահանգով 22 օր անց փակվել է:
Նախարարությունը, թեև պարզաբանել է ցուցահանդեսի փակման պատճառը, քաղաքական ուժերն ու հասարակությունը դատապարտում են տեղի ունեցածը:

Այս թեման մեկնաբանել են`

«Ելք» դաշինք

«Ելք» դաշինք

Օրերս վարչական լծակների գործադրմամբ և սպառնալիքների ներքո փակվել է Հովհաննես Թումանյանի տուն-թանգարանում բացված՝ խորհրդային բռնատիրության զոհերին նվիրված «Խավարում» խորագրով ցուցահանդեսը: Թանգարանի տնօրեն Նարինե Թուխիկյանի խոսքերով ցուցահանդեսի կապակցությամբ իր հասցեին հնչել են սպառնալիքներ: Մշակույթի փոխնախարար Արև Սամուելյանն էլ ցուցահանդեսի փակումը պատճառաբանել է դրանում որոշակի շտկումներ կատարելու անհրաժեշտությամբ:
ԵԼՔ դաշինքը խստորեն դատապարտում է ցուցահանդեսի արգելումը: Սա մշակութային գրաքննության նենգ դրսևորում է, որը պայմանավորված է քաղաքական նկատառումներով և սեփական պատմությանը առերեսվել չկարողանալու խիստ սահմանափակ մտածողությամբ:
Մենք դատապարտում ենք մշակույթի նախարարության այսօրինակ քաղաքականությունը, որը միանգամայն հարիր է խորհրդային տոտալիտար համակարգի գործելաոճին և կարող է դառնալ չափազանց վտանգավոր նախադեպ:
ԵԼՔ դաշինքը պահանջում է ցուցահանդեսի վերաբացում՝ առանց որևէ գրաքննության: Մշակույթի նախարարությանը կոչ է անում իր վրա չվերցնել մշակութային ոստիկանության գործառույթներ, ինչպես նաև՝ իրավապահ մարմինների ուշադրությունը հրավիրում է Նարինե Թուխիկյանի հասցեին սպառնալիքներ հնչեցրած անձանց բացահայտելու և պատասխանատվության ենթարկելու խնդրի վրա:

Արմեն Ռուստամյան, ԱԺ ՀՅԴ խմբակցության պատգամավոր

Արմեն Ռուստամյան, ԱԺ ՀՅԴ խմբակցության պատգամավոր

Իսկապես վրդովվեցուցիչ է, մանրամասներից տեղյակ չեմ, բայց ցուցահանդես փակելը նորմալ չէ: Մանավանդ, եթե 37-ի զոհերին է վերաբերում: Մշակույթի նախարարությունն ինքը պետք է քաջալերի, որ նման ցուցահանդեսներ լինեն, մենք մեր պատմությունը պետք է լավ ուսումնասիրենք:

Արա Պապյան, քաղաքագետ

Արա Պապյան, քաղաքագետ

Ամեն ինչ սպասելի էր, բայց որ մի օր Հայաստանում կարող է ձևավորվել ՀՅԴ+նեոբոլշևիկներ կոալիցիա՝ դա էր անսպասելին:

Արգիշտի Կիվիրյան, վերլուծաբան, ակտիվիստ

Արգիշտի Կիվիրյան, վերլուծաբան, ակտիվիստ

Հայաստանի մշակույթի փոխնախարար Արև Սամուելյանը, «Ազատության» խնդրանքով պարզաբանելով Թումանյանի տուն-թանգարանի նախաձեռնած՝ բոլշևիկյան բռնատիրության զոհերին նվիրված «Խավարում» խորագիրը կրող ցուցահանդեսի փակումը, նշել է, թե այն «քաղաքականացված էր»: Եթե սույն տիկինը զբաղեցնելով փոխնախարարի պաշտոնը համառորեն չի կարողանում ընկալել, որ այո, այդ կարգի ցուցահանդեսները պետք է հենց քաղաքականացված լինեն, ուրեմն այս պարագայում անգամ բժշկությունն ա անզոր:

Անահիտ Բախշյան, Երևանի ավագանու «Բարև Երևան» խմբակցության անդամ

Անահիտ Բախշյան, Երևանի ավագանու «Բարև Երևան» խմբակցության անդամ

Ախր ո՞նց չասես է՜, Նարինե Թուխիկյանն ուր, դուք՝ ուր, ազգային արժանապատվությունն ուր, դուք՝ ուր, Նարինեն մշակույթի նախարարության գործն է նաև անում, մեր ազգային ու մարդկային արժանապատվությունն է պաշտպանում, իսկ դո՞ւք ինչ եք անում:

Արև Սամուելյան, ՀՀ մշակույթի փոխնախարար

Արև Սամուելյան, ՀՀ մշակույթի փոխնախարար

Ցուցադրությունը տևել է 20-ից ավելի օր, մինչ այդ նախարարությունը, չնայած նրան, որ պայմանագրում չկար ոչինչ այդ մասին, բայց հաշվի առնելով, որ Թումանյանի ժառանգների ողբերգությունն է դա և 80-ամյակն է, տարելիցն է 1937-ի, թույլատրեց անցկացնել: Ինքը 22 օր բաց է եղել: Ավելի մանրամասն ծանոթանալուց հետո նպատակահարմար համարվեց, որպեսզի որոշակի շտկումներ կատարվեն:
Մենք պետք է պատմությանը պարզ երեսով նայենք, այն մի փոքր քաղաքականացված էր: Երևի պետք էր հասարակությանը մի փոքր նախապատրաստել: Որոշ շտկումներից հետո այն կվերաբացվի:

Նարինե Թուխիկյան, Հ. Թումանյանի անվան տուն թանգարանի տնօրեն

Նարինե Թուխիկյան, Հ. Թումանյանի անվան տուն թանգարանի տնօրեն

Զրպարտության հետևանքով ստիպված եղանք հավաքել ցուցադրությունը։ Որոշ մարդիկ դիմել են որոշակի կառույցների և, ենթադրում եմ, որպեսզի գործը գլուխ գա, դիմել են շանտաժի։ Օգոստոսի 26-ին ինձ զանգահարեց 60-70 տարեկան մի փոխգնդապետ (ինքն այդպես ներկայացավ) և խոսեց նույն բառապաշարով, ինչ Կոմունիստական կուսակցության ղեկավարը, ասաց՝ ձեր ցուցադրությունից դաշնակցական հոտ է գալիս, դու նաև արվամոլների պրոպագանդիստն ես։ Հեռախոսով ինձ վրա գործ սարքեց այդ մարդը:

Արմեն Ամիրյան, ՀՀ մշակույթի նախարար

Արմեն Ամիրյան, ՀՀ մշակույթի նախարար

Հովհաննես Թումանյանի թանգարանում «Խավարում» թեմայով ժամանակավոր ցուցահանդեսի շուրջ որևէ խնդրահարույց դրվագ չի եղել։ Հայաստանի մշակույթի նախարարության բոլոր ՊՈԱԿ-ները պարտավոր են մեկամյա կտրվածքով իրենց ցուցադրությունները համաձայնեցնել նախարարության հետ։ Թումանյանի թանգարանին զգուշացվել է, որ նախարարության հետ համաձայնեցված չի եղել ցուցադրանքի բացօթյա ձևաչափը, և թանգարանը հավաքել է դրսում ցուցադրվող պաստառները:

Վերգինե Հովհաննիսյան, օգտատեր

Ես մի բան չեմ հասկանում. ի՞նչ է նշանակում հասարակությանը պետք էր պատրաստել, նոր ցուցադրությունը կազմակերպել: Ինչ է՝ մենք նոր պիտի իմանայի՞նք, որ մարդկանց ոչնչացրել են: Կամ էլ այդ սպանությունները հրահանգողներն ու իրականացնողները վաղուց չկան, ինչի՞ց են վախենում: Ի՞նչ է թաքնված այս ամենի տակ, որ այսպես ոտուձեռ են ընկել: Ինձ թվում էր, որ գոնե այս փողոցների անվանափոխության շուրջ, կամ էլ 20-րդ դարի 17-37 թթ. ընկած ժամանակահատվածում տեղի ունեցած մարդկանց ոչնչացման հարցում տարակարծություն չպետք է լիներ... իսկապես անհասկանալի է:

4764 | 2
|
Հավանե՛ք և բաժանորդագրվե՛ք
Facebook
ВКонтакте
ՄԱՄՈՒԼ.am
mar.fr.
mar.fr. 12:35, 13.09.2017
yuraqanchur hay petq e imana ir erkri u joghovrdi patmutyune,te che aydpes argelelov nmanvum eq dzer harevannerin:
yes
yes 13:02, 13.09.2017
ba pti pakein ba inch eiq spasum iranc shovinist fashist paperi arjani tornern en nuyn anasun qaxaqakanutyan jarangner@, vonc dranc papern en azniv mardkanc glux@ kerel, nenc el hima dranc tornern en sharunakum kisat gorc@!! Aveli lava mtaceq, et anasunneric vonc maqrenq es erkir@, arden lriv iranc tvel ancel en!!