Քննարկումներ

Հայերենի մասին խոսողը պետք է հայերենի մասին համապարփակ գաղափար ունենա (նաև իմացության առումով), բացի դրանից՝ լեզուները համեմատվում են համապատասխան սկզբունքներով, չափանիշներով ու հատկանիշներով, ոչ թե գիրք գրելու ու տպագրելու ցանկությամբ։ Պարոն Բագրատյանին խորհուրդ կտամ հայերենին «աղքատ լեզու» որակավորումը տալուց առաջ Հ. Աճառյանի հատորները ընթերցել։ Է. Աղայանի
բառարանում ոչ թե 75000 բառ է ամրագրված, այլ 135600 բառ ու 11000 դարձվածաբանական միավոր։
Հայերենին քաջատեղյակ մարդն էլ գոնե պիտի իմանա, որ հայերենում ՕՐԵԿԱՆ բառ չկա (փոխ.՝ ՕՐԱԿԱՆ) ... մնացած սխալներին չանդրադառնամ։

Այդ Հրանտ Բագրատյանին ասե՛ք, որ նույն սկզբունքով այսուհետև գերմանացիներն իրենց երկիրը չպիտի անվանեն Դոյտչլանդ, շվեյցարացիները՝ Սուիս կամ Զվիցերիա, հունգարացիները՝ Մագիարորսագ:
Եվ հետո, մենք իրենց տնտեսագիտության մեջ չենք մտնում, չէ՞: Չնայած որ մտնեինք, երևի այսքան սատկած տնտեսություն չունենայինք:

Մեկն ասում ա՝ Հայաստանը քոսոտ երկիր ա, մյուսը, թե, բա՝ հայերենը աղքատ լեզու ա, էկեք Արմենիա կոչվենք, հեսա մի ուրիշն էլ էլի մի բան կբստրի իրա մտավորական ուղեղի բեղուն ծալքերում:
Ասի՞ք, պրծա՞ք, ախպե՛ր, դե, թողեք մենք էլ մեր էս «քուչի մակարդակում» շարունակեք սիրել մեր «քոսոտ երկիրն», «աղքատ լեզուն» ու Արմենիայի համեմատ «հեչ վեհ չհնչող» Հայաստանը:

Բագրատյանն առաջարկում է Հայաստանն Արմենիա անվանել, բոլորը վրդոհված են, ես էլ չեմ ցնցում, բայց մի նկատառում։
Հայաստան բառի ՍՏԱՆ վերջավորությունը ևս օտարածին Է, այն ներ է մուծվել հին Պարսկաստանի ժամանակաշրջանում և վերջնականապես հաստատվել արաբական տիրապետության ընթացքում։ Հայաստանը բուն հայերեն, կոչվում էր ՀԱՅՔ։
Հայք, հայերի երկիր, կարճ, կոկիկ, գեղեցիկ ու հայեցի...

Հիշաչար չեմ, բայց հիշեցի. էտ որ Սահմանադրության ու Լեզվի մասին օրենքի խախտումով «Արմենիա» հեռուստաընկերության եթերում Չիթո, Քթե, Քաքդա խաղն է տարիներով ցուցադրվում ռուսերեն լեզվով, պետբյուջեի հաշվին, կարծես թե մի քանի հոգուցս բացի հայերենի այլ պաշտպաններ չկային: Բագրատյանին անխնա քննադատող ՀՅԴ ակտիվն էլ լուռ էր:

Ի՞նչ ասեմ: Ըստ իս՝ տարել է այս մարդուն: Մի հոգի էլ կա՝ նա էլ ասում է հայոց այբուբենում 11 տառ ավելի է, հանել է պետք: Գժվել են:
Պարոն Բագրատյան, իսկ Դուք տեղյա՞կ եք, որ մեր երկիրը, բացի Արմենիայից՝ Սոմխեթի էլ են ասում, Էրմենիստան կամ Արմանիստան էլ են ասում: Հենց հարևան ու մերձակա երկրներն են ասում: Ասում են, որ հյուսիսկովկասյան որոշ ժողովուրդներ անգամ Շումեր էլ են ասում: Բա ի՞նչ անեք, հիմա ո՞րն ընտրենք: Լավագույն դեպքում՝ կարելի է վերականգնել Հայք անունը: Մեկ մեկ նորը՝ լավ մոռացված հինն է:
Իսկ լավ չի լինի՞, որ ընդհանրապես արհեստական բաներ չանենք:
Հ.Գ. Հա, մի բան էլ ասեմ. Ինչու՞ է աղքատ մեր լեզուն։ Օրինակ՝ «որձ կով»-ի փոխարեն կարելի է ասել մեկ բառ՝ «ցուլ»։ Էնպես որ, ճիշտ միտք ու խոսք արտահայտելը բառերի քանակի մեջ չէ։