Խնդրում ենք սպասել...
Այսօր`  երեքշաբթի, 12 դեկտեմբերի, 2017 թ.
Ավանդների տոկոսադրույքը`  
Հայկական դրամ
14.00%
,
ԱՄՆ դոլլար
6.50%
,
Եվրոպական Եվրո
4.00%
,
Ռուսական ռուբլի
9.00%

Քննարկումներ

«Իշխանությունները դանդաղ սպանեցին նրան». արձագանքներ` «Հաց բերողի» մահվան մասին

«Իշխանությունները դանդաղ սպանեցին նրան». արձագանքներ` «Հաց բերողի» մահվան մասին
Երեկ՝ մարտի 16-ին, «Արմենիա» ԲԿ-ում մահացավ Արթուր Սարգսյանը՝ «Հաց բերող»-ը: Դեռ օրեր առաջ Ազատության հրապարակում նախատեսված էր հանրահավաք` Արթուր Սարգսյանին սատարելու նպատակով, բայց նրա մահից հետո այն այլ ընթացք ստացավ: Եվ հավաքի մասնակիցները, և ֆեյսբուքյան օգտատերերը նրա մահվան համար մեղադրում են ՀՀ իշխանություններին:
Այս թեման մեկնաբանել են`

Հայկ Մարության, դերասան

Հայկ Մարության, դերասան

«Հաց բերող»-ին սպանեց ՀՀԿ-ի համակարգը: Ով ընտրելու է ՀՀԿ-ին, թող իմանա, որ այս մահն էլ է իր վրա գրվում: Ցավակցում եմ Արթուրի ընտանիքին և հարազատներին... և մեզ, քանի որ Արթուրը բոլորիս հարազատն էր:









Ստյոպա Սաֆարյան, «Ազատ դեմոկրատներ» կուսակցության թեկնածու

Ստյոպա Սաֆարյան, «Ազատ դեմոկրատներ» կուսակցության թեկնածու
«Հաց բերող» Արթուր Սարգսյանի սպանության, այո՛, սպանության համար ուղղակի պատասխանատվություն են կրում նրա համար կալանքը որպես խափանման միջոց ընտրելու միջնորդություն ներկայացրած քննիչն ու այդպիսի որոշում կայացրած դատարանն ու դատավորը: Տասնյակ տարիներ է, ինչ հայաստանյան փորձագետներից մինչև արտասահմանյան փորձագետներ պահանջում են այդպես համատարած ու խուլիգան ձևով չկիրառվի կալանքը: Դուք ձեզ էշի տեղ դրած շարունակեցիք դրանով խոշտանգել մարդկանց: Այժմ պարտավոր եք պատասխան տալ հանրության առջև:
Հայաստանի արդարադատության նախարարը չի պատրաստվո՞ւմ հրաժարական տալ մարդուն այսպես խայտառակ խոշտանգելու համար: Դուք ո՞նց եք քնելու: Դուք ո՞նց եք հացի պատառ պոկելու: Դուք ո՞նց եք ազնիվ մարդկանց աչքերի մեջ նայելու:

Կարպիս Փաշոյան, ակտիվիստ

Կարպիս Փաշոյան, ակտիվիստ

Պատասխանատուն Սերժ Սարգսյանն է: Սերժը միշտ վրեժ է լուծում այն մարդկանցից, որոնք վտանգ են ներկայացնում իր գաղափարական գոյությանը:
Արթուր Սարգսյանն այլևս չկա: Նա հրաժեշտ տվեց կյանքին՝ թեկուզ խոշտանգված ու տանջված, բայց սկզբունքային պայքարի վճռականությամբ և մեծագույն սիրով, որն իրենից հետո թողեց որպես ժառանգություն:
Իշխանությունները դանդաղ սպանեցին այդ մարդուն:
Ննջես խաղաղությամբ, «Հաց բերող» ջան:

Պետրոս Ղազարյան, հաղորդավար

Պետրոս Ղազարյան, հաղորդավար
Անընդհատ բարձրաձայնում էինք, որ «Հաց բերող»-ի առողջական վիճակը լավ չի և նրան պետք է ազատ արձակել թեկուզ հենց այդ պատճառով։
Հավաստիացնում էին, որ կյանքին վտանգ չի սպառնում, պատշաճ վերահսկողություն կա։
Պետք է քննություն լինի և պարզվի, եթե նրան շուտ ազատեին և ադեկվատ բժշկական օգնություն ցուցաբերեին՝ հնարավոր էր կյանքը փրկել։
Հաց ա բերել, հաց չի բերել էս պարագայում բացարձակ կապ չունի։ Խոսքը մարդու կյանքի և պետական մարմինների աշխատանքի մասին է։

Աշոտ Ասատրյան, օգտատեր

Աշոտ Ասատրյան, օգտատեր

Արթուր Սարգսյանը` «Հաց բերող»-ը մահացավ, քանի որ սոց. ցանցերում ստատուսներ գրելու, ուղիղ եթերներ մտնելու ու օդի մեջ արդարություն պահանջելու փոխարեն իր հնարավորության սահմանում փորձեց իր պատկերացրած արդարությունը վերականգնի՝ սովածին հաց տալով ու անօգնականին օգնելով:
Իսկ դուք հանգիստ վերցրեք ընտրակաշառքները, գնացեք ցույցերի, գնեք և վաճառեք մեկդ մյուսին: Հա, բայց վերջում չմոռանաք ՖԲ-ում արդարության ու ապօրինությունների մասին գրել:
Որ սենց նայում ես, մեզ էս էլա շատ:
Դատվող ու պատասխանատվության ենթարկվող պաշտոնյա չենք տեսնում ջհանդամին տենանք, բայց գոնե էդ մեղավորներից մեկը կարա չէ մի օր էս ամեն ինչից գժվի ու խելագար դառնա:

Արա Պապյան, «Մոդուս վիվենդի» կենտրոնի ղեկավար

Արա Պապյան, «Մոդուս վիվենդի» կենտրոնի ղեկավար

Առաջ հեքիաթներում հրեշներ կային՝ վիշապներ, որ փակում էին աղբյուրի ակն ու ժողովրդին ապրելու հնարավորություն չէին տալիս, քանի դեռ վիշապին մի երիտասարդի կյանք չէին զոհաբերում: Այդ զոհն էր, որ իր մահով երկարաձգում էր վիշապի կյանքը:
Հիմա մեր իշխանություններն են՝ առանց մարդկային զոհողության ապրել չեն կարող: Ցավոք, պատմական փորձը ցույց է տալիս, որ նման միտումները գնալով խորանալու են:
Ո՞ւր էինք, ո՞ւր հասանք: Միթե 88-ին մենք սրա՞ համար էինք պայքարում:
Հայաստանում երբեք իշխանություններին չեն սիրել: Ճիշտն ասած երբեք էլ սիրելու բան չեն եղել: Բայց երբեք ժողովուրդն այսքան խորը չի ատել իշխանություններին:
Եվ այդ զգացմունքը փոխադարձ է: Իշխանությունների միակ ապավենը մնացել է բիրտ ուժը՝ ոստիկանությունը, բանտերը, լայն առումով այսպես կոչված իրավապահ համակարգը, թաղի խուժանը, մասամբ բանակը:

Արգիշտի Կիվիրյան, ակտիվիստ

Արգիշտի Կիվիրյան, ակտիվիստ


Հիմա գիտեմ, որ լիքը մայմուն ակտիվանալու են, բայց ասեմ. Արթուրի մահն օգտագործելով` լիքը մարդ, հիմնականում այսպես կոչված իրենց ընդդիմադիր երևակայող գրում են, թե բա այսքանից հետո ով ընտրի Հանրապետականին *** ա, այսինքն ակնկալում են «Հաց բերող»-ի մահն օգտագործելով իրենց խղճուկ կուսակցություններին մի քիչ ավել ձայն ապահովել: Բայց հանրահայտ է, որ Արթուր Սարգսյանը մինչև վերջ կոչ էր անում բոյկոտել ընտրությունները, այսինքն եթե դուք ինքներդ ձեզ հետ ազնիվ եք, այլ ոչ թե իշխանությունից չտարբերվող մայմուն եք, ապա ոչ թե պետք ա ասեիք, որ ով ընտրի հանրապետականին, ապա *** ա, այլ ով ընդհանրապես գնա ընտրության, չբոյկոտի այն, ապա Հանրապետական ա...



Վահրամ Բաղդասարյան, ԱԺ ՀՀԿ խմբակցության ղեկավար

Վահրամ Բաղդասարյան, ԱԺ ՀՀԿ խմբակցության ղեկավար
Բնականաբար, շատ ծանր դեպք է, պետք է ցավակցեմ Արթուրի հարազատներին նման կորստի համար: Ցավում եմ, որ նման վշտի դեպքում լինում են նաև քաղաքական մանր շահարկումներ, ու մենք պետք է ձեռնպահ մնանք այդ շահարկումներից: Իրավապահները զբաղվում են այդ գործով, կլինի քննություն ու պատկան մարմինները կանեն հայտարարություն հիվանդության պատճառների հետ կապված, ու եթե եղել են թերություներ, մեղավորներն անպայման կպատժվեն: Չպետք է վիշտն ավելի բորբոքել քաղաքական մանր շահարկումներով: Եթե նախընտրական գործընթաց չլիներ, իշխանությունների նկատմամբ նման մեղադրանքներ չէին հնչի... Դա եղել է բժշկական պրոցես ու պետք է լինի օբյեկտիվ քննություն:

Դանիել երաժիշտ

Դանիել երաժիշտ


Մի՞թե կարելի է «Հայր մեր»-ից ջնջել «Զհաց մեր հանապազորդ տուր մեզ այսօր» տողը, ով առաջին Քրիստոնյա ժողովուրդ...
Ինչ լավ կլիներ, որ ԱՐԹՈՒՐ ՀԱՑԲԵՐԻ անմահության օրն ամրագրվեր որպես «ՀԱՑԲԵՐԱՑ ՏՈՆ»։ Երգեր գրվեին, դպրոցներում երգեին, մատաղ սերնդին հաղորդակից դարձնեին...



Արմեն Մովսիսյան, երաժիշտ

Արմեն Մովսիսյան, երաժիշտ



Էս երկու օր առաջ գրեց ինձ, պատասխանս այդպես էլ չի կարդացել...«Իմ Արմեն ջան բարև։ Ներող կլինես երկար լռության համար։ Հիմա կազդուրվում եմ։ Առողջականս բավարար է»: Ախր գրեցիր բավարար է... էս սխալ է.... էս արդար չէ....
Կյանքը մեզ թողեց մեր Հաց ախպերը, որ հիշենք, որ մենք մարդ ենք, մարդավայել ապրելը մեծ պատիվ է, ծնկից բարձրացի: Կներես մեզ Հաց Ախպեր, չկարողացանք տեր կանգնել տեսակիդ, մենք հողածին էինք, մի կյանք է ապրում ենք էլի, լուռ, հարմարված, վախեցած, ծախված...
Ես չեմ զզվում էս ռեժիմից, ես ատում եմ մարդասպանների այս ռեժիմը:




«Ազատ դեմոկրատներ» կուսակցություն

«Ազատ դեմոկրատներ» կուսակցություն
«Հաց բերող»-ը ՀՀ-ում արդարադատության բացակայության զոհ է։ Նա՝ որպես ՀՀ ազատ քաղաքացի, իրեն զոհաբերեց հանուն փոփոխությունների և հանուն ավելի լավ Հայաստանի՝ դառնալով պայքարի յուրօրինակ խորհրդանիշ։

Թորոս Ալեքսանյան, օգտատեր

Թորոս Ալեքսանյան, օգտատեր


«Հաց Բերող»-ը պայքարողի այն տեսակն էր, որին կարոտ է մեր ժողովուրդը: Նա մեզ նման ճառ ասող չէր, նա զանգ կախող էր: Մեր ժողովուրդը այդպիսիների կարիքն ունի, երկար ու բարակ բոցաշունչ ճառեր չէր արտասանում Արթուրը, նա ուղղակի գլուխը կախ անում էր այն, ինչը որ մյուսները չեն անում: Հիմա շատ են արժեզրկել «հերոս» բառը, ումը ասես հերոս են անվանում, բայց իսկական հերոսը նա է, որ ելնում է պայքարի ու գնում է մինչև վերջ` մինչև հաղթանակ կամ մինչև նահատակություն: Արթուրը գնաց մինչև վերջ, մինչև նահատակություն, հետևաբար նա իսկապես հերոս է, մեր օրերի իսկական հերոսը:



16274 | 1
|
Հավանե՛ք և բաժանորդագրվե՛ք
Facebook
ВКонтакте
ՄԱՄՈՒԼ.am
վայ
վայ 13:42, 19.03.2017
Atrhur- բարիւթյան, քաջւթյան արդարւտյան simvol պիտի լինի ․ եվ նրա լւսավօր պատկերա պտի փակցվի ամենւր