Խնդրում ենք սպասել...
Այսօր`  կիրակի, 04 դեկտեմբերի, 2016 թ.
Ավանդների տոկոսադրույքը`  
Հայկական դրամ
14.00%
,
ԱՄՆ դոլլար
8.50%
,
Եվրոպական Եվրո
7.00%
,
Ռուսական ռուբլի
9.50%
Media Monitoring

Քննարկումներ

«Այս պահից արդեն հույս կա, որ հայ մշակույթը կփրկվի». արձագանքներ` Արմեն Ամիրյանի մշակույթի նախարար նշանակվելու վերաբերյալ

«Այս պահից արդեն հույս կա, որ հայ մշակույթը կփրկվի». արձագանքներ` Արմեն Ամիրյանի մշակույթի նախարար նշանակվելու վերաբերյալ

ՀՀ մշակույթի նախարարի պաշտոնում` Հանրային ռադիոյի նախկին գործադիր տնօրեն Արմեն Ամիրյանի նշանակումը մշակույթի գործիչների մոտ նոր հույսեր ու սպասելիքներ է արթնացրել: Անդրադառնալով նշանակմանը՝ շատերը հույս են հայտնել, որ հայ մշակույթը փրկվելու հնարավորություն ունի: Մինչդեռ, ոմանք գտնում են, նախկին նախարարը այնպիսի բարբարոսությունների հեղինակ դարձավ, որոնց հետևանքները դեռ երկար կհիշեցնեն իրենց մասին, իսկ Արմեն Ամիրյանի ընտրությունը բոլորովին էլ հաջող չէ:

Այս թեման մեկնաբանել են`

Սուրեն Շահվերդյան, ռեժիսոր

Սուրեն Շահվերդյան, ռեժիսոր

Այսօրվանից հայ մշակույթը փրկվելու շանս ունի...
Բավականաչափ լավ ճանաչում եմ Արմեն Ամիրյանին և կարող եմ ասել, որ նրա նշանակումը շատ ճիշտ որոշում էր: Ինձ համար կարևորն այն է, որ նա ճաշակով, բանիմաց, գրագետ մարդ է և կարծում եմ` շատ բան կփոխի մշակույթի ոլորտում: Ոչ մի համեմատություն Հասմիկ Պողոսյանի հետ: Ես կարծում եմ, որ այս 10 տարիներին մեր մշակույթն ուղղակի անդունդին է հասել, ճահիճի մեջ է և այսօր երևի շատ մշակույթի գործիչներ են ուրախ այս որոշմամբ, որովհետև հասկանում են, որ այս պահից արդեն հույս կա, որ հայ մշակույթը կփրկվի: Ես անձամբ այսօր SMS եմ արել Հասմիկ Պողոսյանին, և նա կարդացել է:

Էդուարդ Զորիկյան, երգահան

Էդուարդ Զորիկյան, երգահան

Մինչև սերունդ չփոխվի, գողացողի հոգեբանությունը չփոխվի, ում էլ նշանակեն՝ բան չի փոխվելու: Ամիրյանին չեմ ճանաչում, գիտեմ Հանրային ռադիոն է ղեկավարել, հաղորդավար է եղել, բայց, իրոք չեմ ճանաչում, չգիտեմ՝ կկարողանա՞ ղեկավարել, չի կարողանա, չեմ կարող ասել:


Պիտի ազնիվ մարդ լինի, ձեռքը չտանի բյուջեն գռփելու նպատակով: Ինձ թվում է՝ ընդամենն այն գումարները, որոնք նախատեսվում են կոնկրետ մշակույթի տարբեր ոլորտների համար, թատրոններ, թանգարաններ և այլն, այնպիսի մարդ պետք է լինի, որ չգողանա, գող չպիտի լինի: Չգիտեմ՝ այդպիսի մարդ մնացե՞լ է Հայաստանում, այն էլ այդ սերնդի մեջ, որովհետև այդ սերունդը լույս գողացող սերունդ է, ես էլ նրանց հետ միասին: Մեր սերունդը լույս գողացող սերունդ է եղել, «զդաչի» չտվող, այ էն կոպեկը՝ մանրը չտվող սերունդ է եղել: Մեր սերունդն ապուշ-ապուշ լոզունգներ գոռալով, բայց գործարանից, թատրոնից, ամեն տեղից գողացող սերունդ է եղել, գող սերունդ է եղել: Էդ բանվորի ու գյուղացու երկիր չէր, գողի երկիր էր:

Գագիկ Գինոսյան, «Կարին» ավանդական երգի-պարի խմբի հիմնադիր

Գագիկ Գինոսյան, «Կարին» ավանդական երգի-պարի խմբի հիմնադիր

Նմանատիպ մարդն է արժանի զբաղեցնելու մշակույթի նախարարի պաշտոնը: Նա և´ ադմինիստրատիվ ռեսուրս ունի, և´ կառվարման փորձառություն ունի, և´ ազգային նկարագիր ունի, և´ իր ղեկավարած «Հանրային ռադիոն» երբևէ ապազգային և ցածրաճաշակ հաղորդում եթեր չի հեռարձակել` ի տարբերություն և´«Հանրային Հեռուստատեսության» և շատուշատ լրատվամիջոցների: Բացի այդ, Արմեն Ամիրյանը լավագույնս ճանչում է նաև ազգային մշակույթը:

Հովիկ Չարխչյան, գրող, գրականագետ

Հովիկ Չարխչյան, գրող, գրականագետ

Հասմիկ Պողոսյանին ազատելու որոշումը շատ ուշացած քայլ է: Այդ կինն այնպիսի բարբարոսությունների հեղինակ դարձավ, որոնց հետևանքները դեռ երկար կհիշեցնեն իրենց մասին: Իսկ Արմեն Ամիրյանի ընտրությունը բոլորովին էլ հաջող չէ:

Արմեն Մովսիսյան, երգահան

Արմեն Մովսիսյան, երգահան

Հայ երկիրը որ փրկենք, կհասնենք նաև մշակույթի մասնակի հարցին...

Կարպիս Փաշոյան, ակտիվիստ

Կարպիս Փաշոյան, ակտիվիստ
Չգիտեմ ինչի, բայց գոհունակության նոտաներ են նկատվում այն փաստի առթիվ, թե մշակույթի նախարարը փոխվել է և այդ տեսանկյունից մշակույթի համար իբրև թե զարգացման խթաններ կարող են առաջանալ:
Պետք է հիասթափեցնեմ, մշակույթի նախարարությունն ընդհանրապես կապ չունի մշակույթի զարգացման հետ և ընդհանուր առմամբ այդպիսի գործառույթ էլ չունի և չի էլ կարող ունենալ:
Դա որոշակի վարչական պաշտոն է, իսկ առաջադրված խնդիրներն էլ գտնվում են մշակույթի հետ առնչվող, բայց բոլորովին այլ տիրույթում:
Մշակույթ զարգացնողներն այն գրողներն են, որոնց մենք չենք կարդում, երաժիշտներն ու նկարիչները և ի վերջո մշակույթի թերևս կարևորագույն պլացդարմը՝ թատրոնը:
Ես համոզված եմ` այդպիսի նախարարության կարիք չկա և երբեք չի էլ եղել, դա հավելյալ ծախս է՝ դրված քաղաքացիների վզակոթին:

Թամար Հովհաննիսյան, դերասանուհի

Թամար Հովհաննիսյան, դերասանուհի
Մշակույթը շատ ընդգրկուն բառ է: Դա նաև քաղաքակրթություն է, պահվածք, հասարակության մտածելակերպ, հագ ու կապ և այլ դրսևորույթներ: Եթե մշակույթ ասելով նկատի ունեք միայն արվեստն ու այն ստեղծողներին, միշտ էլ կա ու եղել է՝ լավն ու վատը, բարձրորակն ու գռեհիկը, տաղանդավորն ու ապաշնորհը: Փրկել ասելով, եթե նկատի ունեք, որ նախարարին փոխելով կարող ենք հուսալ, որ համատարած արվեստի տաղանդավոր գործեր պիտի ստեղծվեն կամ գոնե պիտի ակնկալենք, որ կստեղծվեն, պիտի հուսախաբ անեմ ձեզ:
14311 | 1
|
Հավանե՛ք և բաժանորդագրվե՛ք
Facebook
ВКонтакте
ՄԱՄՈՒԼ.am
The journalists violate the rights of free citizens
The journalists violate the rights of free citizens 01:44, 03.10.2016
Achqe sarqelu poxaren unqn enq hanem mer meshakuyti:
Neshanakvec Armen Amiryane ,mi andznavorutyun vore voch mi dasentacneri chi masnakcel,diplome drel u nvirel en ev barcraguyn krtutyune teqster kardalov e stacel.
Qroj sirekane cheliner na et Naxarari pashtone cher standzni:Datarkvel e mer erkire,bolor lavere ,lavaguynnere durs en paxchel:Da chisht entrutyun cher Paron Naxagah,aveli banimac teknacuner kain: