Քննարկումներ

Արցախի՝ հազարամյակներով հայկական տարածք լինելը չիմանալը յուրաքանչյուր հայի համար աններելի տգիտությունն է, Եվա Ռիվասի տգիտությունն էինք ձեռ առնում, բայց սա լրիվ տվեց անցավ:
Եթե բոլորս էլ մի կողմ քաշվենք ու ասենք «ինչ էլ հավես ունեք, թեթև տարեք», այ սրանից վատ վիճակում ենք հայտնվելու, եթե կան մարդիկ, ովքեր լրիվ թքած ունեն նման երևույթների վրա, թող ընդհանրապես կարծիք չհայտնեն, իսկ ինձ ահավոր զայրացրել է այն փաստը, որ կարող է մի կիսագրագետ մեր հայրենիքի պատմության իր տգիտությունը լայն զանգվածներին ներկայացնի:

Ինչ մեկնաբանեմ Իվետա Մուկուչյանի քայլը, անփորձ աղջիկ է, իմպրովիզներ է արել: Իհարկե ճիշտ չէ անփորձ աղջկա ձեռքը տալ Արցախի դրոշը և նման հարցերի մեջ ներքաշել նրան:

Ես երբեք չեմ խոսի տիեզերանավերի կոնստրուկցիաների փոխկապակցման նախագծային աշխատանքներից: Գիտե՞ք ինչու: Որովհետև դրանից բան չեմ հասկանում:
Լավ, այ բալամ, ազգիդ ու երկրիդ պատմությունից գոնե 2 տող պետք է իմանայիր, չէ՞:
Չգիտեմ որքանով է ճիշտ «Առողջ հոգի՝ առողջ մարմնում» արտահայտությունը, բայց «մերկ ուղեղ՝ մերկ մարմնում» արտահայտությունը կարծես թե ճիշտ է ...
Հ.Գ. Բայց հոգուս մեղք չդնելու համար՝ ասեմ, որ կարծում եմ ինքը հավանաբար նկատի ուներ, որ իրավական առումով Արցախը մնում է բռնակցված Ադրբեջանին, ուղղակի ճիշտ բառերը երևի չի գտել:
Ամեն դեպքում՝ սովորել, սովորել, սովորել…

Եվս մեկ անգամ նայեցի Իվետա Մուկուչյանի հարցազրույցը...

Մյուս տարի ինքը հանգիստ կարա Եվրատեսիլին մասնակցի ու ներկայացնի Ադրբեջանը:

Հա, ես չար եմ ու նախանձ, բայց ես չեմ կարող հանգսիտ տանել էն փաստը, որ ինքը հարցազրույց ա տալիս հունական հեռուստաընկերությանը և ասում, որ Արցախն ադրբեջանական հողի վրա է:
Ախր հասկացանք իր հետ թիմ ա աշխատել, ավելի ճիշտ չի աշխատել, բայց որքան էլ դա թիմի թերացումը լինի, ինքը որպես հայ պարտավոր էր գոնե տարրական բաներ իմանալ, անկախ նրանից որ երկրում ա ապրում:

Դրվագներ Իվետա Մուկուչյանի հունական հեռուստաընկերությանը տված հարցազրույցից։

- Լեռնային Ղարաբաղը Ադրբեջանի տարածքում ա, բայց դա երկրորդ Հայաստանի հանրապետությունն ա։ Դա երկրորդ Հայաստանի Հանրապետությունն ա, որը մինչև հիմա Ադրբեջանի հողի վրա ա։
- Դա մի տարածք ա, որ մինչև հիմա քննարկվում ա ումն ա, Ադրբեջանը ասում ա մերն ա, հայերը ասում են մերն ա
- Մեր Մեծ եղբայր Ռուսաստանը, դուք գիտեք.. (այստեղ Իվետայի մտքի թելը կտրվում ա )
- Սահմանում մարդիկ նորություն չեն կարդում, իրար սպանում են, նրանք գալիս են գողանում են հայկական գյուղերը։
Ասածս ինչ ա, մարդու ձեռը որ Արցախի դրոշ եք դնում, գոնե կողքից բացատրեք, ինչ դրոշ ա ու ինչ խոսել ապագայում։
Եվ ընդհանրապես, ամեն մեկին դրոշ մի տվեք, մեկը ՀՀ դրոշը Կոնչիտայի ուսերին ա փռում, մյուսը Արցախի դրոշը վերցնում ա՝ Արցախն ադրբեջանական տարածք համարելով։