Արտաշատի կիսավեր թատրոնի շենքը վերջապես կվերանորոգվի
17:20, երկուշաբթի, 13 փետրվարի, 2017 թ.
Արտաշատի Ամո Խարազյանի անվան պետական դրամատիկական թատրոնի ծանր պայմաններին, անավարտ վերանորոգմանն ու կիսաքանդ պատերին, ճռճռացող աստիճաններին և 80-ականների լուսային ու ձայնային սարքավորումներին անդրադարձել էինք դեռևս 2015-ին: Մեզ հետ զրույցում թատրոնի տնօրեն Գեղանուշ Սայադյանը նշել էր, որ թատրոնը հիմնովին վերանորոգման կարիք ունի, այն չունի ոʹչ լուսային, ոʹչ ձայնային էֆեկտներ: Արտաշատի կիսավեր թատրոնի շենքը վերջապես կվերանորոգվի Արտաշատի կիսավեր թատրոնի շենքը վերջապես կվերանորոգվի Արտաշատի կիսավեր թատրոնի շենքը վերջապես կվերանորոգվի Արտաշատի կիսավեր թատրոնի շենքը վերջապես կվերանորոգվի «Աշխատանքներն սկսվել են նոյեմբերի 1-ին, իսկ երբ կավարտվի` Աստված գիտի: Թատրոնը պիտի հիմնանորոգվի, հիմնականում դահլիճը, տանիքը և բեմը, իսկ մնացած հատվածները` կոսմետիկ կհարդարվեն»,- ասաց Գեղանուշ Սայադյանը: Նրա փոխանցմամբ` ծրագրով 80 միլիոն դրամ է տրամադրվել շենքի վերանորոգման համար: «Մի հատված կա, որտեղ աստիճանները ճռճռում են, այդ հատվածը չեն նախատեսել վերանորոգել, բայց կարծում եմ` կդիմենք վարչապետին այդ հարցով, կխնդրենք այդ հարցն էլ լուծել»: Արտաշատի կիսավեր թատրոնի շենքը վերջապես կվերանորոգվի Արտաշատի կիսավեր թատրոնի շենքը վերջապես կվերանորոգվի «Մենք շատ ենք շտապում, ուզում ենք վերանորոգումն արագ վերջացնեն, որովհետև նոյեմբերից դահլիճ չունենք, չենք կարողանում ներկայացում խաղալ: Թեև խոստացել են մինչև մեր տոնը` Թատրոնի միջազգային օրը պատրաստ կլինի, բայց ես հույս չունեմ, քանի որ հսկայական աշխատանք կա անելու»,- նշեց մեր զրուցակիցը: Նրա խոսքով` կլուծվի նաև թատրոնի լուսային ու ձայնային սարքավորումների հարցը, որը շատ կարևոր է: «Այս ընթացքում աշխատանքները ոչ մի օր չենք դադարեցրել, հիմա միանգամից 3 ներկայացման փորձ ենք անում, ժամանակավորապես աղջիկների գրիմանոցում ենք աշխատում: Իսկ երբ վերանորոգված թատրոնը պատրաստ լինի, մեծ բացում ենք նախատեսում անել Բակունցի «Մթնաձոր» բեմադրությամբ»,- ամփոփեց թատրոնի տնօրենը: Արտաշատի կիսավեր թատրոնի շենքը վերջապես կվերանորոգվի Արտաշատի կիսավեր թատրոնի շենքը վերջապես կվերանորոգվի |
2670 | 0