Տուն անիվների վրա. սա աշխարհում ամենահարմար տրանսպորտային միջոցներից մեկն է: Ցավոք, այդպիսի ավտոմեքենաները ոչ միշտ են փայլում իրենց հզորությամբ ու բարդ ճանապարհները հաղթահարելու հնարավորությամբ: Ford ընկերությունը, սակայն, կոտրել է բոլոր կարծրատիպերն` ստեղծելով աշխարհի ամենամեծ փիքափը, որը կարող հաղթահարել դժվարանցանելի ճանապարհները:
Իրականում Ford F-750 World Cruiser ավտոմեքենան ոչ թե տուն է անիվների վրա, այլ մի ողջ հյուրանոց: Այն ունի խոհանոց, լոգարան, զուգարան, մառան և հանգստի մեծ սենյակ: Մեքենայի սրահն այնքան ընդարձակ է, որ եթե այնտեղից հանվի ողջ կահույքն ու սարքավորումներն, ապա այնտեղ կարելի է մեկ մարդատար ավտոմեքենա տեղավորել: Իսկ մեքենայի տանիքին միաժամանակ 2 կվադրոցիկլ կտեղավորվի, նաև հեծանիվներ և մոտոցիկլներ:
Ford F-750 World Cruiser-ի երկարությունը կազմում է 9.7 մետր, լայնությունը` 2.5 մետր, բարձրությունը` 3.6 մետր: Մեքենան ունի 7.2 լիտր աշխատանքային ծավալով դիզելային շարժիչ: Բոլոր սարքավորումներից, ուղևորներից բացի, մեքենան կարող է տեղափոխել ավելի քան 4 տոննա բեռ: