«Սասնա ծռեր» խմբի անդամ Արարատ Խանդոյանի պաշտպան Արա Ղարագյոզյանը ֆեյսբուքյան էջում հրապարակել է Խանդոյանի բաց նամակը «Նուբարաշեն» ՔԿ-ից: Վերջինը տեղեկացնում է, որ իրեն տեղափոխել են պատժախուց, որի պայմաններն անմարդկային են: «Պատժախուցի պատուհանի ապակիները կոտրված են, խուցը խոնավ է, ցուրտը սողոսկում է ներս: Քանի որ ես գտնվում եմ բուժման կուրսում, ինձ նման պայմաններում պահելն անմարդկային վերաբերմունք է, քանի որ իմ կյանքին և առողջությանը կարող է վնաս պատճառվել»: