Ի՞նչ է ընկճախտը
Ընկճախտը` դեպրեսիան, հոգեական ֆոնին անհատականության խաթարումն է: Ընկճախտի հիմնական ախտանշաններից ու ցուցանիշներից մեկը վատ տրամադրությունն է: Հաճախ այդպիսի դեպքերում անհրաժեշտ է մասնագետների օգնությունը: Սակայն հանրության շրջանում բացակայում է այն կարծրատիպը, որ դեպրեսիոն ախտանշանների դեպքում կարելի է դիմել հոգեթերապևտի օգնությանը: Անհրաժեշտ որոշում ու արդյունավետ բուժում կարող է ընտրել միայն մասնագետը: Բայց նախ եկեք ծանոթանանք ընկճախտի ախտանշանների հետ: Դժվար է միանգամից որոշել` արդյոք մարդ ընկճախտային վիճակում է, սակայն գոյություն ունեն մի քանի նախանշաններ, որ օգնում են դա որոշել: 1. Հուզական հյուծվածություն Հուզականության կտրուկ անկումը (կյանքի հանդեպ հետաքրքրության կորուստ, նոր զգացումների հանդեպ ձգտման բացակայություն, բոլոր գրգիռների նկատմամբ լիակատար անտարբերություն) հեշտությամբ է ընկալվում: Կյանքի դրական պահերին ուրախության բացակայության ֆոնին սաստկանում է վախի ու մշտական անհանգստության զգացումը: Մարդկանց մեծամասնությանը հատուկ ձանձրույթի ու տխրության զգացումները դառնում են քրոնիկ: Գրգիռների հանդեպ համարժեք ընկալումը մարդուն շարունակ հանում է հունից: Մարդը կորցնում է հավատը ապագայի հանդեպ, դադարում է հետագայի ծրագրեր կազմել, ավելի ինքնաքննադատող է դառնում, սկսում է զսպել զգացմունքները` մինչև դրանց լիակատար արգելափակումը: 2. Վարքագծի փոփոխություն Ճնշվում է կամքի ուժը, սովորական ցանկությունները 2-րդ պլան են մղվում, անընդհատ պառկելու և հայացքը մի կետի վրա հառելու անհրաժեշտություն է առաջանում: Մարդ կորցնում է մտերիմների ու ծանոթների ուշադրությանը և կարեկցանքին արժանանալու ցանկությունը: Ցանկացած շփումից ամբողջությամբ հրաժարվելու զգացումը համակցվում է մենակության վախի հետ: Ընկճախտային վիճակի արտաքին նշաններն են` կորացած կեցվածքը, հատակին հառած աչքերը, թափթփվածությունը: Բացի այդ, շարժումների պասիվությունը և հանկարծակի փոփոխությունները խոսքում. հաճախ մարդը ձեռքերում որևէ իր է անընդհատ պտտեցնում կամ էլ հաճախակի հպվում է մազերին: 3. Ֆիզիոլոգիական փոփոխություններ Ներքին տառապանքներն ազդում են նաև օրգանիզմին: Շուտ հոգնելն ու մշտական թուլությունն ընկճախտի առաջին նշաններն են: Այն ուղեկցվում է ախորժակի կորստով կամ, հակառակը, շատակերությամբ: Ներքին օրգաններում ցավեր են զգացվում և խաթարվում է ստամոքսաղիքային համակարգի աշխատանքը: Եթե նկատում եք այս ախտանշաններից որևէ մեկը, դիմեք մասնագետի: Ընկճախտի դեմ արդյունավետ բուժում կարող է ընտրել միայն որակավորված հոգեթերապևետը: Իսկ եթե ցանականում եք ինքնուրույն պայքարել ընկճախտի դեմ, կարդացեք այդ մասին մեր հաջորդ հոդվածում: |