Հետաքրքիր է

ГО-42 ռազմական նախագիծը (կամ էլ «Տագանսկիյ» հրամանատարական արտակարգ կենտրոն) ԽՍՀՄ տարածքում կառուցված առաջին բունկերը չէ: Այն նախագծվել է 40-ականներին և կառուցվել 1953-ին` սառը պատերազմի տարիներին:
     ԽՍՀՄ-ում բունկերներ սկսել են կառուցել 30-ականներից և նախատեսված են եղել միայն 5 տոննան չգերազանցող ավիառումբերից պատսպարվելու համար: Սակայն Երկրորդ համաշխարհային պատերազմի ժամանակ բրիտանացիներն սկսել են օգտագործել 10 տոննա ընդհանուր կշռով ավիառումբեր, որոնք կարող էին ոչնչացնել մի աբողջ թաղամաս և ծակել 5 մ հաստության բետոնե սալը:
     Իսկ միջուկային զենքի հայտնվելուց հետո պարզ է դարձել, որ մինչ այդ կառուցված բոլոր բունկերները հնացած են: Ղազախստանի հրաձգարաններից մեկում անցկացվող ատոմային ռումբի փորձարկումներից պարզ է դարձել, որ ստորգետնյա ապաստարաններում ողջ մնալու հավանականությունը մինչև 30 մ խորության վրա զրոյական է: Ողջ մնալու շանսերը կտրուկ ավելանում են միայն 50-րդ մետրից:

     Այդ է պատճառը, որ Մոսկվայի տակ փորված Բունկեր-42-ի խորությունը հասնում է 65 մետրի: Դրանում ամերիկացիների միջուկային հարվածներից պետք է պաշտպանվեին ԽՍՀՄ ղեկավարներն ու Կոմունիստական կուսակցության առաջնորդները: Սակայն Ստալինն այդպես էլ չի հասցրել լինել այդ բունկերում` մահանալով 1953-ի մարտի 5-ին:
     Այն ժամանակ օբյեկտը ծառայել է նաև որպես հեռավոր ավիացիայի հրամանատարական կետ և շուրջօրյա սպասարկել է զինվորականներին:
     ГО-42-ը Ռուսաստանում գաղտնազերծված 3 ստորգետնյա հատուկ օբյեկտներից մեկն է: Եվս մեկ բունկեր, որ բաց է այցելուների համար, գտնվում է մոսկովյան Իզմայլովոյում, մյուսը` Սամարայում: