Ուկրաինայի նախագահ Պետրո Պորոշենկոն քննադատել է քաղաքական որոշ ուժերի` Դոնբասից հրաժարվելու մասին առաջարկը: Այս մասին Պորոշենկոն խոսել է Ուկրաինայի միասնության օրվա կապակցությամբ Կիևում տեղի ունեցած տոնական միջոցառման ժամանակ:
Նա նշել է, որ քաղաքական այդ ուժերը հորդորում են «բռնազավթված տարածքների բնակիչներին վերաբերվել որպես ոչ Ուկրաինայի քաղաքացիների»: «Նման մարտավարությունը, 100%-ով, խաղաղություն չի բերի: Ռուսաստանի նպատակը ոʹչ Դոնեցկն է, ոʹչ էլ Լուգանսկը, նաև ոʹչ Ղրիմն ու Սևաստոպոլն, այլ` ողջ Ուկրաինան»,- նշել է Պորոշենկոն: