Կապիկներ որսացողները. ինչպես է այսօր ապրում վաորանի վայրի ցեղախումբը
Վաորանի ցեղախումբը մինչ օրս էլ ապրում է այնպես, ինչպես իր նախնիները: Վաորանիները քոչվորություն են անում Ամազոնի անտառներում, զբաղվում հավաքչությամբ ու որսորդությամբ: Նրանք հայտնի են որպես կապիկների որսորդներ: Այս կենդանիներին որսում են հատուկ խողովակների միջոցով, որոնց միջոցով կրակում են թունավոր նետեր: Վաորանի որսորդը Որսորդը` նետեր կրակող խողովակով Որսորդը ծառի վրա Ձևախեղված ոտնաթաթեր Այժմ աշխարհում հաշվվում է մոտ 4 հազար վաորանի, նրանք ապրում են Էկվադորի արևելյան հատվածում: Նրանց սննդակագի մեծ մասը բաղկացած է կապիկներից, վարազներից, սղոցակտուցներից, ինչպես նաև` կանանց հավաքած բուսատեսակներից: Սղոցակտուցների որսը Որսորդը` որսի հետ Ընթրիքի պատրաստում Ականջներին անցքեր ունեցող կինը Վաորանիների կենսակերպը պատկերող այս լուսանկարների հեղինակը բրիտանացի լուսանկարիչ Փիթ Օքսֆորդն է: Փիթ Օքսֆորդը` վաորանի կանանց հետ Իր ճանապարհորդության ընթացքում Օքսֆորդը բազմաթիվ հետաքրքիր ու զավեշտալի իրավիճակների մեջ է հայտնվել: Օրինակ, նա ստիպված է եղել մերժել տեղաբնիկների առաջարկն` օթևանել իրենց հյուղակներում ու մնացել է իր վրանում: Սակայն ստիպված է եղել դրա դռները կողպեքով փակել, որովհետև մի անգամ վաորանիներն իր բացակայության ժամանակ ներս են մտել ու վերցրել լուսանկարչական տեխնիկայի լարերը` վստահ լինելով, որ այդ «պարաններով» որսը կարելի է ամուր կապել: Վաորանիների հյուղակները Թեև վաորանիները հեռու են քաղաքակրթությունից, այնուամենայնիվ, ժամանակ առ ժամանակ ընդունում են զբոսաշրջիկների ու օգուտ քաղում դրանից: Նրանք թռչունների փետուրներից զարդեր են պատրաստում ու վաճառում զբոսաշրջիկներին: Տղամարդը զարդեր է պատրաստում` զբոսաշրջիկներին վաճառելու համար Տղամարդն` արա թութակի հետ Վաորանի ցեղախումբ |