Մալիի հյուսիսարևելյան հատվածում գտնվող Գաո քաղաքի զինվորական ճամբարում ահաբեկչություն է տեղի ունեցել: Պայթեցվել է ականապատ ավտոմեքենա, ինչի հետևանքով զոհվել է ավելի քան 60 մարդ: Վիրավորների թիվը հասնում է 115-ի:
Երկրի իշխանությունները հայտնում են, որ զոհերից 5-ը մահապարտներ են:
Ահաբեկչության պատասխանատվությունն իր վրա է վերցրել «Ալ Մուրաբիթուն» խմբավորումը, որ կապեր ունի «Ալ Քաիդա»-ի հետ:
Ահաբեկչությունից հետո երկրում եռօրյա սուգ է հայտարարվել: