Սերժ Սարգսյանը հայտարարել է, որ Հայաստանը դաշնակից չունի: Սակայն չի ասել, թե ինչն է դրա պատճառը: 2 տարի Եվրամիության հետ, «Արևելյան գործընկերության» շրջանակներում պայմանագիր էինք նախապատրաստում, սակայն վերջին պահին դրանից հրաժարվեցինք, Եվրամիությանը «քցելով»: Ռուսաստանից զենք գնելու համար 200 միլիոն դոլար վարկ ենք խնդրել, սակայն Պուտինը լավ գիտի, որ Հայաստանում դոլարով մեկ տասնյակ միլիարդատեր կա: Հայաստանը խոսքով ժողովրդավար, իրականում կիսաավտորիտար երկիր է: Երկրի ներսում ժողովրդին կարող ես խաբել «Ապահով Հայաստան», «Տնտեսական աճ» և այլ հեքիաթներով, սակայն արտերկրում գործերին են հավատում, ոչ թե՝ խոսքերին: Դրա համար էլ փաստացի պատերազմի մեջ գտնվող Հայաստանն այս դաժան աշխարհում առանց դաշնակից է մնացել, ինքնիշխան համարվող երկրիս սահմանները գնդակոծվում են, սակայն դաշնակից կոչվածները անգամ ծպտուն չեն հանում: