ԱՄՆ դատարանը հրաժարվել է գրավի դիմաց ազատ արձակել Volkswagen AG ավտոկոնցեռնի մենեջեր Օլիվեր Շմիդտին, ում, ըստ առաջադրված մեղադրանքների հանրագումարի, մինչև 169 տարվա ազատազրկում է սպառնում:
Դատարանի` գրավի դիմաց ազատ չարձակելու որոշումը բացատրվում է նրանով, որ Շմիդտը Գերմանիայի քաղաքացի է և ազատ արձակվելուց հետո կարող է վերադառնալ Գերմանիա, որի հետ ԱՄՆ-ն արտահանձնման մասին պայմանավորվածություն չունի:
Ավելի վաղ ԱՄՆ իրավապահները դիզելային սկանդալի գործով ձերբակալել էին Volkswagen-ի գլխավոր ինժեներ Ջեյմս Լյանին, ով ընկերությունում աշխատել է ավելի քան 2 տասնամյակ: Նա ընդունել է իր մեղքն, ու նրան մինչև 5 տարվա ազատազրկում է սպառնում:
Ավելի վաղ հայտնի է դարձել, որ Volkswagen ընկերությունը 4.3 միլիարդ դոլարի փոխհատուցում կվճարի Միացյալ Նահանգներին: