Խնդրում ենք սպասել...
Այսօր`  չորեքշաբթի, 28 հունիսի, 2017 թ.
Ավանդների տոկոսադրույքը`  
Հայկական դրամ
13.00%
,
ԱՄՆ դոլլար
6.00%
,
Եվրոպական Եվրո
4.00%
,
Ռուսական ռուբլի
8.25%

Իրադարձություններ

Այսօր Ռուբեն Մաթևոսյանի ծննդյան 75-ամյակն է

15:20, հինգշաբթի, 12 հունվարի, 2017 թ.
Այսօր Ռուբեն Մաթևոսյանի ծննդյան 75-ամյակն է

«Անձնագիրս փաստում է, որ ես ծնվել եմ 1942-ի հունվարի 12-ին, սակայն բարեկամներս ինձ շնորհավորում են դեկտեմբերի 12-ին»,- մեզ հետ զրույցի ժամանակ նշել էր ՀՀ ժողովրդական արտիստ Ռուբեն Մաթևոսյանն, ով այսօր դարձավ 75 տարեկան:
     «Ես չեմ հաշվում տարիքս, կյանքն ավելի արևոտ եմ պատկերացնում և ինձ համար մայրամուտ գոյություն չունի: Կա միայն արև, ամառ, գարուն, կյանք, և եթե ձմեռ, ապա միայն նրա համար, որ սպիտակով ծածկի` մաքրությամբ: Ես սիրում եմ կյանքը, սիրում եմ արվեստը, երբեք ինձ դրանից դուրս չեմ պատկերացրել, այդքանով ես շատ երջանիկ մարդ եմ»,- անկեղծացել էր Ռուբեն Մաթևոսյանը:
     «Երբ դարձա 18 տարեկան, երգելու անզուսպ ցանկություն առաջացավ մոտս, իսկ առաջին ելույթս շռնդալից հաջողություն ունեցավ»,- հիշել էր երգիչը:
     Ռուբեն Մաթևոսյանը ծնվել է Սպիտակ քաղաքում, ավարտել է Երևանի Կոմիտասի անվան պետական կոնսերվատորիան: Դասավանդում է Երևանի էստրադային և ջազային արվեստի պետական քոլեջում, ինչպես նաև` Երևանի Կոմիտասի անվան պետական կոնսերվատորիայում:
     Ռուբեն Մաթևոսյանի երգացանկում եղել են հայկական ժողովրդական, աշուղական, ժամանակակից հայ կոմպոզիտորների երգեր, ռոմանսներ: Հայտնի են՝ «Հորովել», Շերամի «Պարտեզում վարդ էր բացված», «Դու իմ մուսան ես», Ջիվանու «Ձախորդ օրերը», Ա.Բաբաջանյանի «Չքնաղ երազ», Ա.Հեքիմյանի «Բարի արագիլ» և այլ երգեր:

Այսօր Ռուբեն Մաթևոսյանի ծննդյան 75-ամյակն է
990 | 0
|
Հավանե՛ք և բաժանորդագրվե՛ք
Facebook
ВКонтакте
ՄԱՄՈՒԼ.am