Խնդրում ենք սպասել...
Այսօր`  ուրբաթ, 28 հուլիսի, 2017 թ.
Ավանդների տոկոսադրույքը`  
Հայկական դրամ
12.50%
,
ԱՄՆ դոլլար
6.00%
,
Եվրոպական Եվրո
4.00%
,
Ռուսական ռուբլի
8.25%

Միջազգային

ԱՄՆ նախագահ Բարաք Օբաման հանդես է եկել հրաժեշտի ճառով` չթաքցնելով հուզմունքը

11:00, չորեքշաբթի, 11 հունվարի, 2017 թ.
ԱՄՆ նախագահ Բարաք Օբաման հանդես է եկել հրաժեշտի ճառով` չթաքցնելով հուզմունքը

ԱՄՆ գործող նախագահ Բարաք Օբաման այս գիշեր հանդես է եկել երկրի նախագահի պաշտոնում հանրությանն ուղղված վերջին ուղերձով, որում նա ամփոփել է նախագահության 8 տարիները:

Ըստ Օբամայի` արդյունքները բավական դրական են` ընդհանուր ջանքերի շնորհիվ «Ամերիկան ավելի լավն ու ավելի ուժեղ է դարձել»` 2009-ի համեմատ:

Օբաման խոսել է ամերիկյան դեմոկրատիայի հզորության և արտաքին ու ներքին սպառնալիքներից այն պաշտպանելու անհրաժեշտության մասին: Սպառնալիքների շարքում առաջին սևամորթ նախագահն առանձնացրել է ԴԱԻՇ ահաբեկչական խմբավորումն ու «արտասահմանյան մի քանի մայրաքաղաքներում գործունեություն ծավալող բռնակալներին»:

Ռուսաստանին ու Չինաստանին Օբաման անվանել է Միացյալ Նահանգների գլխավոր մրցակիցներ, որոնք, սակայն, համաշխարհային ազդեցությամբ չեն կարող համեմատվել ԱՄՆ-ի հետ:

Նախագահական պաշտոնում վերջին ելույթով Օբաման դիմել է նաև իր կնոջը: Նա հուզմունքը չթաքցնելով ասել է. «Անցած 25 տարվա ընթացքում դու եղել ես ոչ միայն իմ կինն ու երեխաների մայրը, այլև՝ լավագույն ընկերս: Դու ստանձնեցիր մի պարտականություն, որի մասին չէիր երազում, բայց յուրացրիր այդ դերը մեծ վեհությամբ ու քաջությամբ: Դու ստիպեցիր ինձ և ամբողջ երկրին հպարտանալ»:

Հիշեցնենք, որ ԱՄՆ ընտրյալ նախագահ Դոնալդ Թրամփի երդմնակալության արարողությունը տեղի կունենա հունվարի 20-ին:

9698 | 1
|
Հավանե՛ք և բաժանորդագրվե՛ք
Facebook
ВКонтакте
ՄԱՄՈՒԼ.am
asem imatseq
asem imatseq 11:45, 11.01.2017
Inchqan e xerrr sargsmani mnan charum
Erkusn el jhudneri varzhetsrats kapiknern en