Ազատության հրապարակից մեկնարկել է պահանջատիրական երթ` ընդդեմ Մարդու և ժողովրդի իրավունքների բազում ոտնահարումների, այդ թվում` օրենքի, իշխանության բացակայության, քաղաքական հալածյալների և բանտարկյալների, «Սասնա ծռեր»-ի նկատմամբ ոտնահարումների:
«Մենք Սասնա ծուռ ենք», «Իրավունքը պայքարով է նվաճվում» վանկարկելով` ցուցարարներն անցնում են երևանյան փողոցներով: Նրանք քայլերթով կհասնեն «Դատապարտյալների հիվանդանոց», աջակցություն կհայտնեն «Սասնա ծռերի» բուժվող անդամներին և կրկին կվերադառնան Ազատության հրապարակ:
Հիշեցնենք, որ այսօր Մարդու իրավունքների պաշտպանության միջազգային օրն է: