Դեկտեմբերի 4-ից 8-ը Վրաստանի Քութաիսի քաղաքում ավարտվել է սուսերամարտի երիտասարդական միջազգային մրցաշարը, որին մասնակցել են նաև հայ սուսերամարտիկները: Աղջիկների խոցասուսեր զենքաձևում հաղթող է ճանաչվել Էմմա Պողոսովան: Նույն զենքաձևի տղաների պայքարում չեմպիոնի կոչումը նվաճել է Հայկ Բարսեղյանը, 2-րդ տեղն է զբաղեցրել Էդուարդ Օվիկյանն, իսկ լավագույն եռյակը եզրափակել է Արման Գրիգորյանը։ Տղաների ճկասուսեր զենքաձևում 2-րդ տեղն է զբաղեցրել Արմեն Դալլաքյանն, իսկ աղջիկների ճկասուսեր զենքաձևում 3-րդ տեղն է զբաղեցրել Արփինե Աթոյանը։