Հետաքրքիր է

Ինդոնեզիայի Աչեխ նահանգում պետական մակարդակով օրինականացված են շառիաթի խստագույն կանոները: Խոսքը վերաբերում է այնպիսի կանոններին, որոնք քաղաքակիրթ աշխարհում համարվում են մարդու իրավունքների ոտնահարում:
     Այստեղ անընդունելի խստություն է տիրում հատկապես կանանց հանդեպ, որոնց դաժանորեն պատժում են ամենափոքր «հանցանքի» համար:

     Օրինակ, նախորդ շաբաթ երիտասարդ մի կին ենթարկվել է փայտի 23 հարվածի միայն այն պատճառով, որ շատ մոտ է կանգնել իր փեսացուին: Այս նահանգում բարոյական չափորոշիչները շատ խսիտ են: Աղջիկներին արգելվում է մինչև ամուսնությունը ոչ միայն համբուրվելն, անգամ` ձեռք ձեռքի տալն ու գրկախառնվելը:
     Այդ օրը հրապարակային պատժի է ենթարկվել 13 կին, բոլորը` 21-30 տարեկան: Պատժի արժանացածներից մեկը, պարզվել է, հղի է: Նա մեղադրվել է այն «հանցանքի» համար, որ խոսել է ուրիշ տղամարդու, ոչ թե իր ամուսնու հետ: Նրա պատիժը հետաձգվել է մինչև երեխայի ծնունդը:

Մտրակի ու փայտի հարվածների այստեղ ենթարկվում են նաև մեղսագործ տղամարդիկ: Սակայն նրանց պատժում են այլ մեղքերի համար, ինչպիսիք են` ալկոհոլի կիրառումը, մոլախաղեր խաղալը կամ էլ հոմոսեքսուալությունը: